ନୂଆଦିଲ୍ଲୀ: ଦେଶରେ କୋରୋନା ବ୍ୟାପିବାର ଦୀର୍ଘ ଦିନ ହୋଇଥିଲେ ସୁଦ୍ଧା ଏପର୍ଯ୍ୟନ୍ତ ଏହା କମିବାର ନାଁ ଧରୁନି। ପ୍ରତ୍ୟେକ ଦିନ 50 ହଜାରରୁ ଉର୍ଦ୍ଧ୍ବ ସଂକ୍ରମଣ ରିପୋର୍ଟ ଆସୁଛି। ଯାହାକୁ ମିଶାଇ ବର୍ତ୍ତମାନ ସୁଦ୍ଧା ମୋଟ 77 ଲକ୍ଷ ପାର କରିଛି ଆକ୍ରାନ୍ତଙ୍କ ସଂଖ୍ୟା ।
କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟର ସଦ୍ୟତମ ରିପୋର୍ଟ ମୁତାବକ, ଗତ 24 ଘଣ୍ଟାରେ ଦେଶରେ ଆଉ 55 ହଜାର 838ଟି ନୂଆ କୋରୋନା ପଜିଟିଭ ରିପୋର୍ଟ ହୋଇଛି। ଏଥିରେ 702ଜଣଙ୍କର ମୃତ୍ୟୁ ହୋଇଛି । ତେବେ ନୂଆ ସଂକ୍ରମଣ ରିପୋର୍ଟକୁ ମିଶାଇ 77 ଲକ୍ଷ 06 ହଜାର 946ରେ ପହଞ୍ଚିଛି ସଂକ୍ରମଣ ସଂଖ୍ୟା ।
ସେହିପରି ମୋଟ ସଂକ୍ରମିତଙ୍କ ମଧ୍ୟରୁ 68ଲକ୍ଷ 74 ହଜାର 518 ଜଣ ସୁସ୍ଥ ହୋଇଥିବାବେଳେ, 7 ଲକ୍ଷ 15 ହଜାର 812 ଜଣ ଚିକିତ୍ସାଧୀନ ଅଛନ୍ତି । ସେହିପରି ମୋଟ ସଂକ୍ରମିତଙ୍କ ମଧ୍ୟରୁ 1 ଲକ୍ଷ 16 ହଜାର 616 ଜଣଙ୍କର ମୃତ୍ୟୁ ହୋଇଛି ।
