ନୂଆଦିଲ୍ଲୀ: ରେଷ୍ଟୁରାଣ୍ଟ ପରିଚାଳନା କରିବା ପାଇଁ କେନ୍ଦ୍ର ସରକାର ଗୁରୁବାର ନିର୍ଦ୍ଦେଶନାମା ଜାରି କରିଛନ୍ତି । ଆତିଥ୍ୟ ୟୁନିଟ୍ ଶୀଘ୍ର ଖୋଲିବାକୁ ସ୍ଥିର ହୋଇଛି । କଣ୍ଟେଣ୍ଟମେଣ୍ଟ ଜୋନରେ ଥିବା ରେଷ୍ଟୁରାଣ୍ଟଗୁଡିକ ବନ୍ଦ ରହିବ, ଅନ୍ୟ ସ୍ଥାନରେ ରେସ୍ତୋରାଁ ଖୋଲିବାକୁ ଅନୁମତି ଦିଆଯିବ । 65 ବର୍ଷରୁ ଅଧିକ ବ୍ୟକ୍ତି,ଗର୍ଭବତୀ ମହିଳା ଏବଂ 10 ବର୍ଷରୁ କମ୍ ପିଲାମାନେ ଅତ୍ୟାବଶ୍ୟକ ତଥା ସ୍ୱାସ୍ଥ୍ୟ ଉଦ୍ଦେଶ୍ୟ ବ୍ୟତୀତ ଘରେ ରହିବାକୁ ପରାମର୍ଶ ଦିଆଯାଇଛି ଏବଂ ରେଷ୍ଟୁରାଣ୍ଟ ପରିଚାଳନାକୁ ସେହି ଅନୁଯାୟୀ ପରାମର୍ଶ ଦେବାକୁ ନିର୍ଦ୍ଦେଶ ଦିଆଯାଇଛି।
ଅନେକ ସାଧାରଣ ପଦକ୍ଷେପ ଯଥାସମ୍ଭବ ଅନୁସରଣ କରନ୍ତୁ...
1. ବାଧ୍ୟତାମୂଳକ ହେବ ଫେସ୍ ମାସ୍କର ବ୍ୟବହାର ।
2. ସାବୁନରେ ବାରମ୍ବାର ହାତ ଧୋଇବା ଅଭ୍ୟାସ କରନ୍ତୁ ଅତି କମରେ 40-60 ସେକେଣ୍ଡ ପାଇଁ ।
3. ଆରୋଗ୍ୟ ସେତୁ ଆପର ବ୍ୟବହାର ସମସ୍ତଙ୍କୁ ପରାମର୍ଶ ଦିଆଯିବ ।
4.ଅତିକମରେ 6 ଫୁଟର ଶାରୀରିକ ଦୂରତା ।
ଅନ୍ୟାନ୍ୟ ନିର୍ଦ୍ଦେଶାବଳୀରେ, ସମସ୍ତ ରେଷ୍ଟୁରାଣ୍ଟ ନିମ୍ନଲିଖିତ ବ୍ୟବସ୍ଥା ନିଶ୍ଚିତ କରିବେ:
1. ରେସ୍ତୋରାଁରେ 50 ପ୍ରତିଶତ ଲୋକଙ୍କ ପ୍ରବେଶ ନେଇ ଅନୁମତି ଦିଆଯିବ । ଖାଦ୍ୟ ବିତରଣ କର୍ମଚାରୀମାନେ ପ୍ୟାକେଟକୁ
ଗ୍ରାହକଙ୍କ ଦ୍ୱାରରେ ରଖିବେ । ତାଙ୍କୁ ସିଧାସଳଖ ହସ୍ତାନ୍ତର କରିବା ଉଚିତ୍ ନୁହେଁ ।
2. ହୋମ ଡେଲିଭରି ପାଇଁ କର୍ମଚାରୀମାନଙ୍କୁ ଅନୁମତି ଦେବା ପୂର୍ବରୁ ରେଷ୍ଟୁରାଣ୍ଟ କର୍ତ୍ତୃପକ୍ଷଙ୍କ ଦ୍ବାରା ଥର୍ମାଲ୍ ସ୍କ୍ରିନ କରାଯିବ ।
3. ସମସ୍ତ କର୍ମଚାରୀଙ୍କୁ ଫେସ୍ ମାସ୍କ ବ୍ୟବହାର କଲେ ପ୍ରବେଶ ଅନୁମତି ଦିଆଯିବ। ରେଷ୍ଟୁରାଣ୍ଟ ଭିତରେ ଫେସ୍ ମାସ୍କ ସବୁବେଳେ ପିନ୍ଧିବାକୁ ପଡିବ ।
4. ସାମାଜିକ ଦୂରତା ନିୟମ ସୁନିଶ୍ଚିତ କରିବା ପାଇଁ ରେଷ୍ଟୁରାଣ୍ଟ ମ୍ୟାନେଜମେଣ୍ଟ ଦ୍ୱାରା ପର୍ଯ୍ୟାପ୍ତ ମାନବ ଶକ୍ତି ନିୟୋଜିତ ହେବ ।
