ଦିସପୁର: ଆସାମରେ ପ୍ରଥମ କୋରୋନା ପଜିଟିଭ ଚିହ୍ନଟ ହୋଇଛି । କୋରୋନା ପଜିଟିଭ ଚିହ୍ନଟ ଜଣକ 5 ବର୍ଷର ଶିଶୁ ବୋଲି ଜଣାପଡିଛି । ଶିଶୁର ରକ୍ତ ନମୁନା ଜୋରହାଟ ମେଡିକାଲ କଲେଜ ଆଣ୍ଡ ହସପିଟାଲରେ ପରୀକ୍ଷା କରାଯାଇଥିବା ବେଳେ ସେଠାରେ ପଜିଟିଭ ଆସିଥିବା ଜଣାପଡିଛି ।
ତେବେ ପୁଣିଥରେ ତାଙ୍କ ରକ୍ତ ନମୁନା ଲୋହୱାଲର ଆସିଏମଆର ଲାବୋରୋଟାରୀକୁ ପୁନଃପରୀକ୍ଷଣ ପାଇଁ ପଠାଯାଇଛି । ଆସନ୍ତାକାଲି (ରବିବାର) ସନ୍ଧ୍ୟା ସୁଦ୍ଧା ଏହି ରିପୋର୍ଟ ପ୍ରକାଶ କରାଯିବ ବୋଲି ଜୋରହାଟ ଡେପୁଟି କମିଶନର ରୋଶନି ଅପରଞ୍ଜି କୋର୍ତ୍ତୀ କହିଛନ୍ତି ।
କୋରୋନା ଆକ୍ରାନ୍ତଙ୍କ ସଂଖ୍ୟା ଦିନକୁଦିନ ବୃଦ୍ଧି ପାଇବାରେ ଲାଗିଥିବା ବେଳେ ଆସାମରେ ପ୍ରଥମ କୋରୋନା ଆକ୍ରାନ୍ତ ଚିହ୍ନଟ କରାଯାଇଛି । ଅନ୍ୟପକ୍ଷରେ ଭାରତରେ ବର୍ତ୍ତମାନ ସୁଦ୍ଧା 315ଜଣଙ୍କ ଠାରେ କୋରୋନା ଭୂତାଣୁ ଚିହ୍ନଟ କରାଯାଇଛି ।
@ANI
