ଭୋପାଳ: ଖଣିରେ ମାଟି ଧସିଯିବାରୁ 5 ମୃତ । ମଧ୍ୟପ୍ରଦେଶରେ ଖଣିରେ ମାଟି ଧସିଯିବାରୁ 5 ଜଣ ଶ୍ରମିକ ମୃତ୍ୟୁ ହୋଇଥିଲା ବେଳେ 3 ଆହତ ହୋଇଛନ୍ତି । ଘଟଣା ସ୍ଥଳରେ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ଖବର ମୁତାବକ ମଧ୍ୟପ୍ରଦେଶର ଶାହଦୋଲ ଜିଲ୍ଲାର ବେହୋରି ଅଞ୍ଚଳରେ ଏକ ଖଣିରେ କାମ କରୁଥିବାବେଳେ ହଠାତ ମାଟି ଖସିଯିବା ଯୋଗୁଁ ପାଞ୍ଚ ଜଣ ପ୍ରାଣ ହରାଇଛନ୍ତି ଏବଂ ତିନି ଜଣ ଶ୍ରମିକ ଆହତ ହୋଇଥିବା ଜଣାପଡିଛି । ଏହି ଘଟଣାକୁ ନେଇ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଦୁଃଖ ପ୍ରକାଶ କରିଛନ୍ତି । ମୁଖ୍ୟମନ୍ତ୍ରୀ ସମସ୍ତ ମୃତକଙ୍କ ପ୍ରତି 4 ଲକ୍ଷ ଟଙ୍କା ଲେଖାଏଁ ସହାୟତା ଘୋଷଣା କରିଛନ୍ତି ।
ସୌଜନ୍ୟ:@ANI
