ଲକ୍ଷ୍ନୌ: କାରକୁ ପିଟିଲା କାଠ ବୋଝେଇ ଟ୍ରାକ୍ଟର । ଘଟଣା ସ୍ଥଳରେ 4 ମୃତ । ଉତ୍ତରପ୍ରଦେଶ ସହାରନପୁରରୁ ବିବାହ ଭୋଜି ସାରି ଫେରିବା ବେଳେ ଏକ କାରକୁ କାଠ ବୋଝେଇ ଟ୍ରାକ୍ଟର ଧକ୍କା ଦେବା ଫଳରେ ଘଟଣାସ୍ଥଳରେ 4ଜଣଙ୍କର ମୃତ୍ୟୁ ଘଟିଛି ।
କାରକୁ ପିଟିଲା କାଠ ବୋଝେଇ ଟ୍ରାକ୍ଟର, 4 ମୃତ
ସୂଚନା ଅନୁଯାୟୀ, ଗତ ରବିବାର ଦିଲ୍ଲୀର ପଞ୍ଜାବୀ ବାଗରୁ ଏକ ପରିବାର ସହରନପୁରର ଏକ ବିବାହ ଉତ୍ସବରେ ଯୋଗ ଦେବା ପାଇଁ ଆସିଥିଲେ । ବିବାହ ସମ୍ପର୍ଣ୍ଣ ହେବା ପରେ ପରିବାର ଲୋକେ ଏକ କାର ଯୋଗେ ଘରକୁ ଫେରୁଥିଲେ । ସେହି ସମୟରେ ନାଗଲ ଥାନା ଆଡୁ ଏକ କାଠ ବୋଝେଇ ଟ୍ରାକ୍ଟର ସେମାନଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ତିନି ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇଥିଲେ ।
ଘଟଣା ପରେ ସ୍ଥାନୀୟ ଲୋକେ ପହଞ୍ଚି ଆହତମାନଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରିଥିଲେ । ମାତ୍ର ଚିକିତ୍ସାଧୀନ ଅବସ୍ଥାରେ ଜଣଙ୍କର ମୃତ୍ୟୁ ଘଟିଛି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
