ହାଇଦ୍ରାବାଦ: ତମାଖୁ ସେବନ ଆଜି ସାରା ବିଶ୍ବର ମାନବ ଜାତି ପାଇଁ ଏକ ସାଂଘାତିକ ସ୍ବାସ୍ଥ୍ୟ ସମସ୍ୟା ଭାବେ ମୁଣ୍ଡ ଟେକିଛି । ଏହି ନିଶା ଜାତୀୟ ଦ୍ରବ୍ୟର ସେବନ ସ୍ବାସ୍ଥ୍ୟ ପ୍ରତି ହାନିକାରକ ଜାଣିବା ସତ୍ତ୍ବେ ଦିନକୁ ଦିନ ଏହାର ବ୍ୟବହାରକାରୀଙ୍କ ସଂଖ୍ୟା ବଢୁଛି । ଏହି ପରିପ୍ରେକ୍ଷୀରେ ବିଶ୍ବରେ ତମାଖୁ ସେବନ ଯୋଗୁଁ କର୍କଟ ରୋଗୀଙ୍କ ସଂଖ୍ୟା ବ୍ୟାପକ ଭାବେ ବୃଦ୍ଧି ପାଇଛି । ଏହାକୁ ରୋକିବା ପାଇଁ ବିଭିନ୍ନ ପ୍ରକାର ଜନ ସଚେତନତା ସୃଷ୍ଟି କରାଯାଉଛି ।
ପ୍ରତିବର୍ଷ ମେ 31କୁ ବିଶ୍ବ ତମାଖୁ ନିଷେଧ ଦିବସ ଭାବେ ପାଳନ କରୁଛି ସାରା ବିଶ୍ବ । ତମାଖୁ ସେବନର ଭୟାବହତା ଓ ନିରାକରଣ ଲାଗି ବିଶ୍ବ ସ୍ବାସ୍ଥ୍ୟ ସଂଗଠନ(WHO) ପକ୍ଷରୁ ପ୍ରତିବର୍ଷ ଆଜିର ଦିନକୁ ବିଶ୍ବ ତମାଖୁ ନିଷେଧ ଦିବସ ଭାବେ ପାଳନ କରାଯାଇଥାଏ । ଆଜି ଭଳି ଦିନରେ ସମସ୍ତ ନିଶାଦ୍ରବ୍ୟ ସେବନକାରୀଙ୍କୁ ତମାଖୁ ଓ ଧୂମପାନ ସେବନ ନକରିବାକୁ ଉତ୍ସାହିତ କରାଯାଉଛି ।
ବିଶ୍ବ ସ୍ବାସ୍ଥ୍ୟ ସଂଗଠନ ଏହି କ୍ୟାମ୍ପେନ ଚିରାଚରିତ ଢଙ୍ଗରେ ଉଦ୍ୟୋଗ ପରିଚାଳନା ଓ ଏଥିରେ କୁଟିଳ ରଣନୀତିର ବ୍ୟବହାରକୁ ମୂଳପୋଛ କରିବାରେ ସାହାଯ୍ୟ କରିବ । ଏହି କ୍ୟାମ୍ପେନ ଦ୍ବାରା ଯୁବପିଢିଙ୍କୁ ନିଯୁକ୍ତି ଦିଆଯାଇ ଉଦ୍ୟୋଗ ପରିଚାଳନାରେ ତ୍ରୁଟି ଖୋଜି ବାହାର କରିବା ସହ ଆଧୁନିକ ଜ୍ଞାନକୌଶଳ ବଳରେ ଏହାର ବିକଳ୍ପ ଖୋଜାଯାଇପାରିବ । ଅନ୍ୟ ଶବ୍ଦରେ କହିବାକୁ ଗଲେ ଗ୍ଲୋବାଲ କ୍ୟାମ୍ପେନ ଦ୍ବାରା ଯୁବପିଢିଙ୍କୁ କୁଟୀଳ ରଣନୀତି ବିରୋଧରେ ସଶକ୍ତ କରାଯାଇପାରିବ । ଯାହା ବର୍ତ୍ତମାନ ସମୟରେ ଅତ୍ୟନ୍ତ ଜରୁରୀ ହୋଇପଡିଛି । କାରଣ ଏକ ଅଧ୍ୟୟନରୁ ପ୍ରକାଶ ପାଇଛି କି ଧୂମ୍ରପାନ କରୁଥିବା ଯୁବପିଢିଙ୍କୁ କୋରୋନା ସଂକ୍ରମଣର ଅଧିକ ଭୟ ରହିଛି । ଏନେଇ ବିଶ୍ବ ସ୍ବାସ୍ଥ୍ୟ ସଙ୍ଗଠନ ଯୁବପିଢିଙ୍କୁ ଏକତ୍ରିତ ହୋଇ ତମାଖୁ ମୁକ୍ତ ପିଢି ଭାବେ ଗଢି ତୋଳିବାକୁ ଆହ୍ବାନ ଦେଇଛି ।
ଧୂମ୍ରହୀନ ତମାଖୁ, ଶିଶା, ଇ-ସିଗାରେଟର ସ୍ବାଦ କିଶୋରଙ୍କୁ ବେଶ ଆକର୍ଷିତ କରିଥାଏ । ତମାଖୁ ଜାତୀୟ ଦ୍ରବ୍ୟର ଉତ୍ପାଦନକୁ ବୃଦ୍ଧି କରିବା ଏବଂ ଯୁବପିଢିଙ୍କୁ ଏହା ପ୍ରତି ଆକର୍ଷିତ କରିବାକୁ ବଡ ବଡ ଲୋକପ୍ରିୟ ସେଲିବ୍ରିଟିଙ୍କୁ ଏହାର ମାଗଣା ନମୁନା ମଧ୍ୟ ବଣ୍ଟନ କରାଯାଏ । ସେହିପରି ଫିଲ୍ମ ଓ ଟିଭି ଶୋରେ ମାଧ୍ୟମରେ ଏହି ଉତ୍ପାଦନର ବିଜ୍ଞାପନ କରାଯାଇଥାଏ । ତେବେ ବିଶ୍ବ ତମାଖୁ ନିଷେଧ ଦିବସ ଅବସରରେ ଏହି ସବୁ ବିଷୟଗୁଡିକ ପ୍ରତି ଧ୍ୟାନ ଦିଆଯିବ ।
ଜାଣନ୍ତୁ ଏହି ନିଶା ଜାତୀୟ ଦ୍ରବ୍ୟର ସେବନ ଦ୍ବାରା କଣ ସବୁ ଭୋଗିବାକୁ ପଡିଥାଏ:-
ଫୁସଫୁସ କର୍କଟ: ତମାଖୁ ସେବନ ଫୁସଫୁସ କର୍କଟର ମୁଖ୍ୟ କାରଣ । ସାରା ବିଶ୍ବରେ ଦୁଇ ତୃତୀୟାଂଶ ଲୋକ ଫୁସଫୁସ କର୍କଟ ରୋଗରେ ମୃତ୍ୟୁବରଣ କରିଥାନ୍ତି । ଘରେ ହେଉ କିମ୍ବା ନିଜ କର୍ମକ୍ଷେତ୍ରରେ ସେକେଣ୍ଡ ହ୍ୟାଣ୍ଡ ସ୍ମୋକିଂ ବା ନିଷ୍କ୍ରିୟ ଧୂମ୍ରପାନ ଫୁସଫୁସ କର୍କଟ ରୋଗର ମାତ୍ରାକୁ ବୃଦ୍ଧି କରିଥାଏ । ଧୂମ୍ରପାନ ବନ୍ଦ କରିବା ଦ୍ବାରା ଏହି ରୋଗର ଆଶଙ୍କା ମଧ୍ୟ କମିଯାଏ । ପ୍ରାୟ 10 ବର୍ଷ ଯାଏଁ ଧୂମ୍ରପାନ ନକଲେ କର୍କଟ ରୋଗର ଆଶଙ୍କା 50 ପ୍ରତିଶତ କମିଯାଇଥାଏ ।
କ୍ରୋନିକ ରେସପିରେଟୋରୀ ଡିଜିଜ: କ୍ରୋନିକ ଅବଷ୍ଟ୍ରକଟିଭ ପଲିମୋନାରୀ ଡିଜିଜ(ସିଓପିଡି)ର ମୁଖ୍ୟ କାରଣ ତମାଖୁ ଧୂମ୍ରପାନ । ଫୁସଫୁସର ଛୋଟ ଛୋଟ ବାୟୁ କୋଷରେ ପୂଜ ମିଶା ନାଳ ସୃଷ୍ଟି ହୋଇ କାଶ, କଫ ଓ ନିଶ୍ବାସ ନେବାରେ ଅସୁବିଧା ଅନୁଭବ ହୋଇଥାଏ । ସେହିପରି ଯେଉଁମାନେ ପିଲାବେଳୁ ଧୂମ୍ରପାନ କରିଥାନ୍ତି , ଏହି ବିଷାକ୍ତ ଧୂଆଁ ସେମାନଙ୍କ ଫୁସଫୁସକୁ ବିକଶିତ କରିବାରେ ବାଧା ସୃଷ୍ଟି କରିଥାଏ । ଶ୍ବାସ ସଂକ୍ରମଣ ଓ ଶ୍ବାସ ରୋଗ ଏହା ଦ୍ବାରା ବୃଦ୍ଧି ପାଇଥାଏ ।
ତେବେ ଗର୍ଭାବସ୍ଥାରେ ଗର୍ଭବତୀ ମା' ଯଦି ଧୂମ୍ରପାନ କରେ କିମ୍ବା ନିଷ୍କ୍ରିୟ ଧୂମ୍ରପାନର ଶିକାର ହୁଏ ତାହେଲେ ଏହି ବିଷାକ୍ତ ଧୂଆଁ ଯୋଗୁଁ ଗର୍ଭସ୍ଥ ଶିଶୁ ଠିକ୍ ଭାବେ ବଢିପାରେ ନାହିଁ ଏବଂ ତାର ଫୁସଫୁସର ମଧ୍ୟ ବିକାଶ ହୁଏ ନାହିଁ । ଅନେକ ସମୟରେ ଗର୍ଭସ୍ଥ ଶିଶୁ ବିକଳାଙ୍ଗ ହେବାର ସମ୍ଭାବନା ଥାଏ କିମ୍ବା ଶ୍ବାସଜନିତ ରୋଗରେ ଆକ୍ରାନ୍ତ ହୋଇଥାନ୍ତି । ଏପରିକି ବେଳେବେଳେ ଗର୍ଭସ୍ଥ ଓ ପ୍ରସବ ବେଳେ ଶିଶୁର ମୃତ୍ୟୁ ମଧ୍ୟ ହୋଇଥାଏ ।
ପ୍ରକାଶ ଥାଉ କି, ତମାଖୁ କମ୍ପାନୀଗୁଡିକ ମାର୍କେଟିଂ ଏବଂ ବିଜ୍ଞାପନରେ ବିଶ୍ବବ୍ୟାପି ପ୍ରାୟ 9 ବିଲିୟନ ଡଲାରରୁ ଅଧିକ ଖର୍ଚ୍ଚ କରିଥାନ୍ତି । ସେହିପରି ତମାଖୁ ସେବନ ଏବଂ ନିଷ୍କ୍ରିୟ ଧୂମ୍ରପାନର ସଂସ୍ପର୍ଶରେ ଆସି ବିଶ୍ୱରେ 8 ମିଲିୟନ ଲୋକଙ୍କ ମୃତ୍ୟୁ ହୋଇଛି ।
ପ୍ରତିବର୍ଷ ନିଷ୍କ୍ରିୟ ଧୂମ୍ରପାନରେ 1 ମିଲିୟନରୁ ଅଧିକ ଲୋକ ପ୍ରାଣ ହରାଉଛନ୍ତି । ବିଶ୍ବସ୍ତରରେ ପ୍ରାୟ 60, 000 ପିଲା 5 ବର୍ଷ ବୟସ ପୂର୍ବରୁ ନିମ୍ନ ଶ୍ବାସକ୍ରିୟା ସଂକ୍ରମଣରେ ମୃତ୍ୟୁବରଣ କରିଥାନ୍ତି । ଯେଉଁମାନେ ବୟସ୍କ ହେବା ପର୍ଯ୍ୟନ୍ତ ଜୀବିତ ରୁହନ୍ତି, ସେମାନେ ନିଷ୍କ୍ରିୟ ଧୂମ୍ରପାନର ବିଷାକ୍ତ ସ୍ବାସ୍ଥ୍ୟ ସମସ୍ୟାର ସାମନା କରିଥାନ୍ତି । ଯେହେତୁ ଏମାନେ ବାଲ୍ୟକାଳରେ ବାରମ୍ବାର ନିମ୍ନ ଶ୍ବାସକ୍ରିୟା ସଂକ୍ରମଣ ହୋଇଥାନ୍ତି । ତେଣୁ ଏମାନଙ୍କ ଠାରେ ସିଓପିଡି ହେବାର ଆଶଙ୍କା ଯଥେଷ୍ଟ ବଢିଥାଏ ।
ଧୂମପାନ ଭାରତରେ ବାର୍ଷିକ 10 ଲକ୍ଷରୁ ଅଧିକ ଲୋକଙ୍କୁ ପ୍ରାଣ ନେଇଥାଏ । ଏହା କର୍କଟ ଏବଂ ହୃଦରୋଗ ଭଳି ଅଣସଂକ୍ରାମକ ରୋଗର ମୁଖ୍ୟ କାରଣ ସାଜିଥାଏ । ଭାରତରେ 34.6% ଲୋକ ବ୍ୟକ୍ତି ଧୂମ୍ରପାନ କରିଥାନ୍ତି । ଯେଉଁମାନଙ୍କ ମଧ୍ୟରୁ 47.9% ପୁରୁଷ ଏବଂ 20.3% ମହିଳା ଅଛନ୍ତି । 14% ଲୋକ ଧୂଆଁ ଯୁକ୍ତ ତମାଖୁର ବ୍ୟବହାର କରନ୍ତି । ସେମାନଙ୍କ ମଧ୍ୟରୁ 24.3% ପୁରୁଷ ଏବଂ 2.9% ମହିଳା ଅଛନ୍ତି । 25.9% ଲୋକ ଧୂଆଁ ବିହୀନ ତମାଖୁ ବ୍ୟବହାର କରିଥାନ୍ତି । ସେଥିମଧ୍ୟରୁ 32.9% ପୁରୁଷ ଏବଂ 18.4% ମହିଳା ସାମିଲ ଅଛନ୍ତି ।
1998ରେ ପୁରୁଷ ଧୂମପାନକାରୀଙ୍କ ସମ୍ପୂର୍ଣ୍ଣ ସଂଖ୍ୟା 79 ମିଲିୟନ ଥିବାବେଳେ 2015 ରେ 108 ମିଲିୟନକୁ ବୃଦ୍ଧି ପାଇଛି । ଭାରତ ସରକାରଙ୍କ 2015ରେ ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ (NFHS-4) ଦ୍ବାରା କରାଯାଇଥିବା ଏକ ଅନୁଯାୟୀ ସର୍ଭେ ଅନୁଯାୟୀ, 13 ଟି ରାଜ୍ୟ ମଧ୍ୟରେ 2005-06 ରେ ପୁରୁଷଙ୍କ ମଧ୍ୟରେ ତମାଖୁ ବ୍ୟବହାର 50 ପ୍ରତିଶତରୁ ହ୍ରାସ ପାଇଁ 2015ରେ 47 ପ୍ରତିଶରରେ ପହଞ୍ଚିଥିଲା । 11ଟି ରିପୋର୍ଟ ଅନୁସାରେ 13ଟି ରାଜ୍ୟରେ 2005-06 ରୁ 2015-16 ମଧ୍ୟରେ ତମାଖୁ ସେବନ ସଂଖ୍ୟା ହ୍ରାସ ହୋଇଛି ।
ସିକିମରେ ତମାଖୁ ବ୍ୟବହାରରେ 20 ପ୍ରତିଶତ ହ୍ରାସ ପାଇଛି । ସେହିପରି ମଣିପୁର ଓ ମେଘାଳୟ କେବଳ ଦୁଇଟି ରାଜ୍ୟ ଯିଏକି ତମାଖୁ ବ୍ୟବହାରରେ ବୃଦ୍ଧି ହୋଇଥିବା ଦେଖିବାକୁ ମିଳିଥିଲା । ହରିୟାଣାର ତମାଖୁ ସେବନର 32 ପ୍ରତିଶତ ପ୍ରାଦୁର୍ଭାବ ରହିଥିବା ବେଳେ 2015ରେ ପ୍ରାୟ 3.2 ମିଲିୟନ ଧୂମପାନକାରୀ ଅଛନ୍ତି ।
ଧୂମପାନ ବନ୍ଦ କରିବା ଏକ ଅସାମାନ୍ୟ କାରଣ । କାରଣ 45-59 ବର୍ଷ ବୟସର ପ୍ରାୟ 5 ପ୍ରତିଶତ ପୁରୁଷ ପୂର୍ବରୁ ଧୂମ୍ରପାନ କରିଥାନ୍ତି । ASSOCHAMର ଏକ ଅଧ୍ୟୟନ ଅନୁଯାୟୀ, ତମାଖୁ ଶିଳ୍ପ ଭାରତର ଅର୍ଥନୀତିରେ 11,79,448 କୋଟି ଟଙ୍କା ଯୋଗଦାନ କରିଥାଏ ଏବଂ ପ୍ରାୟ 4.57 କୋଟି ଲୋକଙ୍କୁ ନିଯୁକ୍ତି ଦେଇଥାଏ ।
ତମାଖୁ ବ୍ୟବହାରକାରୀଙ୍କ ପାଇଁ ବିପଦଜନକ ହୋଇପାରେ କୋଭିଡ-19
ମାର୍ଚ୍ଚ 2020ରେ କୋଭିଡ-19କୁ ବିଶ୍ୱ ମହାମାରୀ ଭାବେ ଘୋଷଣା କରିଥିଲା ବିଶ୍ବ ସ୍ବାସ୍ଥ୍ୟ ସଂଗଠନ । ଏହା ମଧ୍ୟ ଦର୍ଶାଇଥିଲା ଯେ ଧୂମପାନକାରୀମାନେ ଏହି ଭୂତାଣୁରେ ଅଧିକ ଆକ୍ରାନ୍ତ ହେବାର ସମ୍ଭାବନା ରହିଛି । ସିଗାରେଟରେ ବିଷାକ୍ତ ରାସାୟନିକ ପଦାର୍ଥ ମିଶ୍ରଣ ଥିବାରୁ ଏହା ନିଶ୍ୱାସ ନେବାର ଏବଂ ହାତରୁ ମୁହଁ ପର୍ଯ୍ୟନ୍ତ ଗତିକୁ ବଢାଇଥାଏ । ଯାହା ଶରୀରର ଅମ୍ଳଜାନ ବ୍ୟବହାର କରିବା କ୍ଷମତାକୁ ହ୍ରାସ କରିଥାଏ ଏବଂ ଏହା ରୋଗୀଙ୍କୁ ନିମୋନିଆ ହେବାର ଆଶଙ୍କାକୁ ବୃଦ୍ଧି କରିଥାଏ ।
WHO ଏହା ମଧ୍ୟ ଉଲ୍ଲେଖ କରିଛି ଯେ ପାଣି ପାଇପ ଭଳି ଧୂମ୍ରପାନ ଉତ୍ପାଦନରେ ଅଧିକାଂଶ ସମୟରେ ମାଉଥପିସେସ ଏବଂ ହୋସେସର ଆଦାନ ପ୍ରଦାନ ହୋଇଥାଏ । ଯାହା ସାମ୍ପ୍ରଦାୟିକ ତଥା ସାମାଜିକ ସ୍ଥିତିରେ କୋଭିଡ-19 ର ସଂକ୍ରମଣକୁ ବୃଦ୍ଧି କରିଥାଏ ।
ଧୂମ୍ରହୀନ ତମାଖୁ (ଏସଟି) ବ୍ୟବହାର ମଧ୍ୟ କୋଭିଡ19 ସଂକ୍ରମଣକୁ ବୃଦ୍ଧି କରିବାର ଆଶଙ୍କା ରହିଥିଲା । କାରଣ ଏହି ଧୂମ୍ରହୀନ ତମାଖୁର ସେବନ ପରେ ଏହାର ଛେପକୁ ପକାଇବାକୁ ପଡିଥାଏ । ସେହିପରି କିଛି ଧୂମ୍ରବିହୀନ ତମାଖୁର ମିଶ୍ରଣ ପାଇଁ ହାତରେ ଦଳିବାକୁ ପଡିଥାଏ, ଏହା ଦ୍ବାରା ମଧ୍ୟ ସଂକ୍ରମଣର ଆଶଙ୍କା ରହିଥାଏ ।
ନିକଟରେ ମେଟା-ବିଶ୍ଳେଷଣରେ ଧୂମ୍ରପାନ ଏବଂ କୋଭିଡ19ର ପ୍ରଗତି ମଧ୍ୟରେ ଏକ ଗୁରୁତ୍ବପୂର୍ଣ୍ଣ ପ୍ରକାଶ ପାଇଛି । 218 ଧୂମ୍ରପାନ ରୋଗୀଙ୍କ ମଧ୍ୟରୁ ଧୂମ୍ରପାନ କରୁଥିବା 21.6 ପ୍ରତିଶତ ରୋଗୀଙ୍କ ତୁଳନାରେ 29.8 ପ୍ରତିଶତ ରୋଗର ପ୍ରଗତି ଅନୁଭବ କରିଛନ୍ତି ।
ଚୀନରୁ ମିଳିଥିବା ଏକ ପ୍ରମାଣରେ ମଧ୍ୟ ଦର୍ଶାଇଛି ଯେ ଧୂମ୍ରପାନ କରୁନଥିବା ରୋଗୀଙ୍କ ମଧ୍ୟରେ ଗୁରୁତର ରୋଗରେ ପ୍ରଗତିର ସମ୍ଭାବନା 14 ଗୁଣ ଅଧିକ । ସେହିପରି ଚୀନରେ ମହିଳାଙ୍କ ତୁଳନାରେ ସଂକ୍ରମିତ ପୁରୁଷଙ୍କ କୋଭିଡ-19 ମୃତ୍ୟୁହାର ଅଧିକ ରହିଛି । କାରଣ ଚୀନରେ 2 ପ୍ରତିଶତ ମହିଳାଙ୍କ ତୁଳନାରେ 45 ପ୍ରତିଶତ ପୁରୁଷମାନେ ଅଧିକ ଧୂମ୍ରପାନ କରିଥାନ୍ତି ।
