ପାଟନା: ସୁରକ୍ଷାକର୍ମୀ ଓ ନକ୍ସଲଙ୍କ ମଧ୍ୟରେ ପ୍ରବଳ ଗୁଳି ବିନିମୟ । ରବିବାର ମଧ୍ୟରାତ୍ରିରେ ବିହାର ଗୟା ଜିଲ୍ଲା ମହୁରୀ ଗାଁ ନିକଟସ୍ଥ ବାରଚାଟି ଜଙ୍ଗଲରେ ପୋଲିସ କର୍ମୀ, 205 କମାଣ୍ଡୋ ବାଟାଲିଅନ ଫର ରିଜୋଲ୍ୟଟ(କୋବ୍ରା) ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଛି । ଏଥିରେ ତିନି ଜଣ ନକ୍ସଲର ମୃତ୍ୟୁ ହୋଇଛି । ମୃତ ନକ୍ସଲଙ୍କ ମଧ୍ୟରେ ଜଣେ ଜୋନାଲ କମାଣ୍ଡର ଆଲୋକ ବୋଲି ଚହ୍ନଟ କରାଯାଇଛି । ଏନେଇ ସରକାରୀ ସୂତ୍ରରୁ ସୂଚନା ମିଳିଛି ।
ସୂଚନାଯୋଗ୍ୟ, ମୃତ ଆଲୋକ ପୂର୍ବରୁ ଦୁଇ ଜଣଙ୍କୁ ହତ୍ୟା କରିଥିଲା । ଏବେ ଏହାର ପ୍ରତିଶୋଧ ନେଇଛି ସୁରକ୍ଷାକର୍ମୀ । ତିନି ଜଣ ନକ୍ସଲଙ୍କୁ ଏନକାଉଣ୍ଟର କରାଯାଇଛି । ଘଟଣାସ୍ଥଳରୁ ଏକ ଏକେ ସିରିଜ ରାଇଫଲ, ଆଇଏନସାଏ ରାଇଫଲ, ଗୋଟିଏ ମାଗାଜିନ ଜବତ କରାଯିବ ସହ ମୃତ ନକ୍ସଲଙ୍କ ମୃତଦେହ ଉଦ୍ଧାର କରାଯାଇଛି । ଘଟଣାରେ ସର୍ଚ୍ଚ ଅପରେସନ ଜାରି ରହିଛି ।
@ANI
