ଭୋପାଳ: ମଧ୍ୟପ୍ରଦେଶର ଛିନ୍ଦଓ୍ବାଡାରେ ପ୍ରାୟ 48 ଘଣ୍ଟା ଧରି ଲଗାତାର ବର୍ଷା ଜାରି ରହିଛି । ଫଳରେ ପରାସିଆର ଚାନ୍ଦମେଟା ସ୍ଥିତ ପୁରୁଣା ବସ୍ତିରେ ଏକ ମାଟି ଘର ଭାଙ୍ଗିବା କାରଣରୁ 3 ଜଣଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ଜଣେ 35 ବର୍ଷୀୟା ମହିଳା ଥିବାବେଳେ, ଦୁଇଟି ଛୋଟ ପିଲା ରହିଛନ୍ତି । ଯାହାଙ୍କର ବୟସ ପ୍ରାୟ 5 ରୁ 6 ବର୍ଷ ବୋଲି ପୋଲିସ ସୂଚନା ଦେଇଛି।
ଘଟଣାସ୍ଥଳରେ ପୋଲିସ ଓ ପ୍ରଶାସନ ଉପସ୍ଥିତ ରହି ଘରୁ ମାଟି ଖାଲି କରାଯାଉଛି । ବର୍ଷା କାରଣରୁ ସମସ୍ତ ସ୍ଥାନରେ ପାଣି ଭରିବାରେ ଲାଗିଛି । ଅନେକ ନଦୀ ବିପଦସଙ୍କେତ ଉପରେ ପ୍ରବାହିତ ହେଉଛି । ଅନେକ ସ୍ଥାନରେ ଘର ଭିତରକୁ ମଧ୍ୟ ପାଣି ପଶିଯାଇଛି । ଘର ଭୁଶୁଡ଼ିବା ପରେ ଏବେ ପ୍ରଶାସନ ପକ୍ଷରୁ ପାଖରେ କଚ୍ଚା ଘର ସବୁକୁ ଖାଲି କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
