ଭୋପାଳ: ସାରା ବିଶ୍ବରେ ଦ୍ରୁତଗତିରେ ନିଜର କାୟା ବିସ୍ତାର କରୁଛି ମହାମାରୀ କୋରୋନା । ଆଉ ଏବେ ଏହି ଭୂତାଣୁର ପାଦ ପଡିଛି ଭୋପାଳର ରାଜଭବନରେ । ଏଠାକାର ଜଣେ କର୍ମଚାରୀଙ୍କ 28 ବର୍ଷୀୟ ପୁଅ କୋରୋନା ପଜିଟିଭ ଚିହ୍ନଟ ହୋଇଛନ୍ତି ।
ଉକ୍ତ ଯୁବକଙ୍କ ପୂରା ପରିବାର ରାଜଭବନ ପରିସରରେ ବାସ କରୁଥିବା ବେଳେ ରାଜଭବନରେ କାମ କରୁଥିବା କର୍ମଚାରୀଙ୍କ କୋରୋନା ପରୀକ୍ଷା କରାଯାଇନାହିଁ । ତେବେ ଯୁବକଙ୍କୁ ସଂକ୍ରମଣ କିପରି ହେଲା ସେ ନେଇ କୌଣସି ସୂଚନା ମିଳିନାହିଁ ।
ପ୍ରକାଶ ଥାଉ କି ଭୋପାଳରେ ରବିବାର 37 ନୂଆ କୋରୋନା ଆକ୍ରାନ୍ତ ଚିହ୍ନଟ ହେବା ସହ ମୋଟ ସଂକ୍ରମିତଙ୍କ ସଂଖ୍ୟା 1388ରେ ପହଞ୍ଚିଛି । ସେହିପରି ଜଣେ ମହିଳାଙ୍କ ମୃତ୍ୟୁ ଘଟିଛି ।
