ମୁମ୍ବାଇ: ମହାରାଷ୍ଟ୍ରରେ ଝଡ ଭଳି ମାଡି ଚାଲିଛି କୋରୋନା ଭୂତାଣୁ । ଆଗରୁ ହଜାରେ ଉପରେ ଆକ୍ରାନ୍ତ ଥିବାବେଳେ ସୋମବାର 2000 ଉପରେ କେସ ରହିଛି । 24 ଘଣ୍ଟାରେ ମୋଟ 2033 ନୂଆ ମାମଲା ବାହାରିଛି ।
ଫଳରେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା 35 ହଜାର ପାର କରିଛି । ଏବେ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା 35 ହଜାର 58 ରହିଛି । ଏହାସହ ସୋମବାର 51 ଜଣଙ୍କ ମୃତ୍ୟୁ ମଧ୍ୟ ହୋଇଛି । ମୋଟ 1249 ମୃତ୍ୟୁ ରେକର୍ଡ ହୋଇଥିବା ରାଜ୍ୟ ସ୍ବାସ୍ଥ୍ୟ ବିଭାଗ ସୂଚନା ଦେଇଛି ।
ମୋଟ ଆକ୍ରାନ୍ତଙ୍କ ମଧ୍ୟରୁ 25 ହଜାର 392 ଆକ୍ଟିଭ କେସ ରହିଛି । ପ୍ରାୟ 5000ରୁ ଅଧିକ ଲୋକ ସୁସ୍ଥ ହୋଇଛନ୍ତି । ସେହିପରି ବେଶୀ ପ୍ରଭାବିତ ହୋଇଛି ମାୟା ନଗରୀ ମୁମ୍ବାଇ । 24 ଘଣ୍ଟାରେ ଏଠାରେ 1185ଟି ପଜିଟିଭ ଚିହ୍ନଟ ହୋଇଛନ୍ତି । ସେହିପରି 23ଟି ମୃତ୍ୟୁ ହୋଇଛି । ଫଳରେ ଏଠାରେ ମୋଟ ଆକ୍ରାନ୍ତ 21 ହଜାର 152 ଛୁଇଁଛି । ସେହିପରି 757 ମୃତ୍ୟୁସଂଖ୍ୟା ରେକର୍ଡ ହୋଇଥିବା ବ୍ରିହାଣମୁମ୍ବାଇ ପୌର ପରିଷଦ ସୂଚନା ଦେଇଛି ।
ସୌଜନ୍ୟ@ANI
