ନୂଆଦିଲ୍ଲୀ: ନିର୍ଭୟା ଗଣଦୁଷ୍କର୍ମ ମାମଲାରେ ଫାଶୀ ଦଣ୍ଡାଦେଶ ପାଇଥିବା ଦୋଷୀମାନେ ଦେଶ ସେବା କରିବାକୁ ପ୍ରସ୍ତୁତ ରହିଛନ୍ତି ବୋଲି ସେମାନଙ୍କ ଓକିଲ ଏପି ସିଂ ଦିଲ୍ଲୀ ପଟିଆଲା ହାଉସ କୋର୍ଟରେ କହିଛନ୍ତି । ସେହିପରି ନିର୍ଭୟାଙ୍କ ଓକିଲ ସୀମା କୁଶୱା ଦୋଷୀଙ୍କୁ ଆସନ୍ତାକାଲି ଫାଶୀ ହେବା ନେଇ ନିଶ୍ଚିତ ରହିଥିବା ପ୍ରକାଶ କରିଛନ୍ତି ।
ପଟିଆଲା ହାଉସ କୋର୍ଟରେ ଓକିଲ ଏପି ସିଂ କହିଛନ୍ତି, ‘ସେମାନଙ୍କୁ ଇଣ୍ଡୋ-ପାକ୍ ସୀମାକୁ ପଠାଯାଉ, ଡୋକଲାମକୁ ପଠାଯାଉ, କିନ୍ତୁ ଫାଶୀ ଦିଆନଯାଉ । ସେମାନେ ଦେଶ ସେବା କରିବାକୁ ପ୍ରସ୍ତୁତ ଅଛନ୍ତି । ମୁଁ ଏ ବାବଦରେ ଏକ ଆଫିଡେଭିଟ୍ ଦାଖଲ କରିବି |’
ସେହିପରି ନିର୍ଭୟାଙ୍କ ଓକିଲ ସୀମା କୁଶୱା କହିଛନ୍ତି, ‘ମୁଁ ନିଶ୍ଚିତ ଯେ ଆସନ୍ତାକାଲି ସକାଳ 5 ଟା30 ସମୟରେ ସମସ୍ତ ଚାରିଜଣ ଦୋଷୀଙ୍କୁ ଫାଶୀ ଦିଆଯିବ’ ।
ଫାଶୀ ଉପରେ ସ୍ଥଗିତାଦେଶ ରଖିବାକୁ ଦୋଷୀ ମାନେ ଆବେଦନ କରିଥିବାବେଳେ ଗୁରୁବାର ଦିଲ୍ଲୀର ପଟିଆଲା ହାଉସ କୋର୍ଟ ଦୋଷୀମାନଙ୍କ ମୃତ୍ୟୁ ଦଣ୍ଡାଦେଶକୁ କାଏମ ରଖିଛନ୍ତି । ଶୁକ୍ରବାର ସକାଳେ ନିର୍ଭୟା ଦୋଷୀଙ୍କୁ ଫାଶୀ ଦେବାପାଇଁ ବ୍ଲାକ ୱାରେଣ୍ଟ ଜାରି ହୋଇଛି ।
@ANI
