ଲକ୍ଷ୍ନୌ: ଉତ୍ତରପ୍ରଦେଶ ସରକାର ଆଗ୍ରା ଠାରୁ 200 ବସ୍ ଏବଂ ଝାନ୍ସିରେ ଅନ୍ୟ 100ଟି ରାଜସ୍ଥାନର କୋଟାକୁ ପଠାଉଛନ୍ତି । ଯେଉଁଠାରେ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ହଜାର ହଜାର ଛାତ୍ରଛାତ୍ରୀ ଲକ ଡାଉନ ଯୋଗୁଁ ଫସିରହିଛନ୍ତି ।
"କୋଟାରେ ଅଟକି ରହିଥିବା ପିଲାମାନଙ୍କୁ ଫେରାଇ ଆଣିବା ପାଇଁ ବସ୍ ପଠାଯାଉଛି । ଆମେ ଖାଦ୍ୟ, ପାଣି ବୋତଲ, ମାସ୍କ ଏବଂ ସାନିଟାଇଜର ପଠାଉଛୁ । ପ୍ରତ୍ୟେକ ବସ 25 ପିଲାଙ୍କୁ ଆଣିବ । ଝାନ୍ସିରୁ କିଛି ବସ ମଧ୍ୟ ପଠାଯିବ'' ବୋଲି ଆଗ୍ରାର ବରିଷ୍ଠ ସରକାରୀ ଅଧିକାରୀ ସୂଚନା ଦେଇଛନ୍ତି ।
କୋଟା ସାଧାରଣତଃ ଏଜୁକେଶନ ହବ୍ ଭାବେ ଜଣାଶୁଣା । ଯେଉଁଠି ପିଲାମାନେ ପ୍ରବେଶିକା ପରୀକ୍ଷା ଆଦି ପାଇଁ ପ୍ରସ୍ତୁତ ହେବାକୁ ଯାଇଥାନ୍ତି । ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ କହିଛନ୍ତି ଯେ, ଅନ୍ୟ ରାଜ୍ୟମାନେ ମଧ୍ୟ ସେମାନଙ୍କ ଛାତ୍ରମାନଙ୍କୁ ଫେରାଇ ଆଣିବା ପାଇଁ ବ୍ୟବସ୍ଥା କରିପାରିବେ ।
