ଶ୍ରୀନଗର: ଭାରତୀୟ ସେନାଙ୍କ ଗୁଳିରେ ନିହତ 2 ପାକିସ୍ତାନୀ ଆତଙ୍କୀ। ଏହାସହ ଜଣେ ଆତଙ୍କୀ ଆହତ ହୋଇଥିବା ସୂଚନା ମିଳିଛି। ମଙ୍ଗଳବାର ରାତିରେ ଏହି ଅପରେସନ ଆରମ୍ଭ ହୋଇଥିଲା। ତେବେ ସୀମାରେ ଆତଙ୍କୀଙ୍କ ଅନୁପ୍ରବେଶକୁ ରୋକିବା ବେଳେ ପ୍ରାଣ ହରାଇଥିଲେ 2 ଆତଙ୍କୀ। ଏହି ଗୁଳିବିନିମୟ ଜାମ୍ମୁ କାଶ୍ମୀର ରଜୌରୀ ସେକ୍ଟରରେ ହୋଇଥିବା ସେନା ସୂତ୍ରରୁ ଖବର ମିଳିଛି।
ସୂଚନା ଅନୁସାରେ, ଆତଙ୍କୀ ମାନେ ଜାମ୍ମୁ କାଶ୍ମୀର ରଜୌରୀ ସେକ୍ଟର ଦେଇ ସୀମାକୁ ପ୍ରବେଶ କରିବାକୁ ଚେଷ୍ଟା କରୁଥିବା ବେଳେ ଗୁଳିବିନିମୟ ଆରମ୍ଭ ହୋଇଥିଲା। ପରବର୍ତ୍ତୀ ସମୟରେ ଅନୁପ୍ରବେଶକାରୀ ଏକ ଲ୍ୟାଣ୍ଡମାଇନ୍ ଉପରେ ପାଦ ଦେବା ପରେ ଏକ ବିସ୍ଫୋରଣ ଘଟିଥିଲା।
ନିହତ ଆତଙ୍କବାଦୀଙ୍କ ମୃତଦେହ ଏପର୍ଯ୍ୟନ୍ତ ଉଦ୍ଧାର କରାଯାଇ ନାହିଁ। ଆଶଙ୍କା ରହିଛି ଯେ ସେମାନଙ୍କ ସହଯୋଗୀମାନେ, ଯେଉଁମାନେ ପଛକୁ ଠେଲି ନେଇଥିବେ। ନଚେତ୍ ସେହି ସ୍ଥାନରୁ ନେଇ ଯାଇଥିବେ। ଏକ ସୂତ୍ରରୁ ପ୍ରକାଶ ଯେ, ଏଲଓସି ପାଖରେ ଥିବା ସମସ୍ତ ଅଞ୍ଚଳକୁ କର୍ଡନ କରାଯାଇଛି ଏବଂ ଖୋଜା ଚାଲିଛି। ଜୁନ୍ 1 ରେ, ସେନା କର୍ମଚାରୀମାନେ ଅନୁପ୍ରବେଶକାରୀ ଦଳକୁ ଖଣ୍ଡନ କରି ଉକ୍ତ ଅଞ୍ଚଳରେ ତିନିଜଣ ସଶସ୍ତ୍ର ଅନୁପ୍ରବେଶକାରୀଙ୍କୁ ହତ୍ୟା କରିଥିଲେ।
