ନୂଆଦିଲ୍ଲୀ: ଦେଶରେ ଗତ 24 ଘଣ୍ଟାରେ ରେକର୍ଡ ସଂଖ୍ୟକ 9971 ନୂଆ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଫଳରେ କୋରୋନା ପଜିଟିଭ ସଂଖ୍ୟା 246628ରେ ପହଞ୍ଚିଛି । ସେହିପରି ମୋଟ ମୃତ୍ୟୁ ସଂଖ୍ୟା 6929ରେ ପହଞ୍ଚିଛି । ମୋଟ 1ଲକ୍ଷ 19ହଜାର 2ଶହ 93 ଜଣ ଡିସଚାର୍ଜ ହୋଇଥିବା ବେଳେ ସକ୍ରିୟ ମାମଲା ସଂଖ୍ୟା 1ଲକ୍ଷ 20ହଜାର 4ଶହ 6 ରହିଛି । ଏନେଇ ରବିବାର କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ମହାରାଷ୍ଟ୍ରରେ ସର୍ବାଧିକ 42609 ସକ୍ରିୟ ମାମଲା ରହିଥିବା ବେଳେ ଗୁଜୁରାଟରେ 5057, ଦିଲ୍ଲୀରେ 16229, ତାମିଲନାଡୁରେ 13506, ରାଜସ୍ଥାନରେ 2599, ମଧ୍ୟପ୍ରଦେଶରେ 2721, ଉତ୍ତରପ୍ରଦେଶରେ 3828, ଆନ୍ଧ୍ରପ୍ରଦେଶରେ 1817, ତେଲେଙ୍ଗାନା 1663, କର୍ଣ୍ଣାଟକରେ 3186, କେରଳରେ 1030 ଓ ଓଡିଶାରେ 1057 ରହିଛି ।
ସେହିପରି ମହାରାଷ୍ଟ୍ରରେ ସର୍ବାଧିକ ଲୋକଙ୍କ ମୃତ୍ୟୁ ଘଟିଥିବା ଜଣାପଡିଛି । ମହାରାଷ୍ଟ୍ରରେ 2969 ଜଣଙ୍କ ମୃତ୍ୟୁ ଘଟିଥିବା ବେଳେ ଗୁଜୁରାଟରେ 1219, ମଧ୍ୟପ୍ରଦେଶରେ 399, ଦିଲ୍ଲୀରେ 761, ଆନ୍ଧ୍ରପ୍ରଦେଶରେ 73, ତାମିଲନାଡୁରେ 251, କର୍ଣ୍ଣାଟକରେ 59 ଓ ତେଲେଙ୍ଗାନାରେ 123 ଜଣଙ୍କ ମୃତ୍ୟୁ ହୋଇଛି ।
