ନୂଆଦିଲ୍ଲୀ: ଭାରତରେ ପୂର୍ବ ଅପେକ୍ଷା ସଂକ୍ରମଣ ସଂଖ୍ୟା ଅହେତୁକ ଭାବେ ହ୍ରାସ ପାଇବାରେ ଲାଗିଛି। ଦୈନିକ ସଂକ୍ରମଣ ଏବେ 20 ହଜାର ଭିତରେ ରହୁଛି। ଯାହା ଦେଶବାସୀଙ୍କ ପାଇଁ ଆଶ୍ବସ୍ତିକର ଅଟେ। ବର୍ତ୍ତମାନ 1 କୋଟି 3 ଲକ୍ଷ ପାର କରିଛି ଦେଶରେ ପଜିଟିଭ ସଂଖ୍ୟା।
କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟର ସଦ୍ୟତମ ରିପୋର୍ଟ ମୁତାବକ, ଗତ 24 ଘଣ୍ଟାରେ 19 ହଜାର 078ଟି ସଂକ୍ରମଣ ସଂଖ୍ୟା ରିପୋର୍ଟ ହୋଇଛି। ସେହିପରି 224 ଜଣଙ୍କର ମୃତ୍ୟୁ ହୋଇଛି। ଅପଡେଟକୁ ମିଶାଇ 1 କୋଟି 03 ଲକ୍ଷ 05 ହଜାର 788ରେ ପହଞ୍ଚିଛି ସଂକ୍ରମଣ ସଂଖ୍ୟା। ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଇ 1 ଲକ୍ଷ 49 ହଜାର 218ରେ ପହଞ୍ଚିଛି।
ସେହିପରି ଶୁକ୍ରବାର 22 ହଜାର 926 ଜଣ ସୁସ୍ଥ ହୋଇଛନ୍ତି ଯାହାକୁ ମିଶାଇ ମୋଟ ଦେଶରେ ସୁସ୍ଥ ସଂଖ୍ୟା 99 ଲକ୍ଷ 06 ହଜାର 387ରେ ପହଞ୍ଚିଛି। ବର୍ତ୍ତମାନ 2 ଲକ୍ଷ 50 ହଜାର 183 ଜଣ ଆକ୍ରାନ୍ତ ଚିକିତ୍ସିତ ହେଉଛନ୍ତି ।
