ଶ୍ରୀନଗର: ଗତ 6 ମାସ ମଧ୍ୟରେ ଘାଟିରେ ଯାଇଛି 17 ପାକିସ୍ତାନ ଆତଙ୍କୀଙ୍କ ଜୀବନ । ଏ ସମସ୍ତ ଆତଙ୍କୀ ପାକିସ୍ତାନ ଓ ପିଓକେ ଅଞ୍ଚଳର । ରେକର୍ଡ ଅନୁସାରେ ଜୁନ୍ ମାସରେ ସର୍ବାଧିକ 5 ଆତଙ୍କୀ ନିହତ ହୋଇଛନ୍ତି । ଏହାବ୍ୟତୀତ ଜାନୁଆରୀରେ 2, ଫେବୃଆରୀ ଓ ମାର୍ଚ୍ଚରେ 4 ଏବଂ ମେ’ରେ 2ଜଣ ଆତଙ୍କବାଦୀ ସେନା ଗୁଳିରେ ନିହତ ହୋଇଥିବା ଜଣାପଡିଛି ।
ରେକର୍ଡ ଅନୁସାରେ, ଆତଙ୍କୀ ଘାଟିର 15ଟି ସ୍ଥାନରେ ସୁରକ୍ଷାକର୍ମୀ ଓ ଆତଙ୍କବାଦ ମଧ୍ୟରେ ଗୁଳି ବିନିମୟ ଘଟିଛି । ଯେଉଁଥିରେ 13 ଜଣ ଯବାନ ସହିଦ ହୋଇଛନ୍ତି । ସେମାନଙ୍କ ମଧ୍ୟରେ ରହିଛନ୍ତି, ମେଜର ବିଭୂତି ଶଙ୍କର, କ୍ୟାପଟେନ କେତନ ଶର୍ମା, ହାବିଲଦାର ଶିବ ରାମ, ସିପାହୀ ହରି ସିଂହ, ଅଜୟ କୁମାର ପ୍ରମୁଖ ।
