ମୁମ୍ବାଇ: ମୋଦକ ପ୍ରିୟ ଗଣେଶ । ମୋଦକ ଦେଇ ପୂଜା କଲେ ପ୍ରସନ୍ନ ହୋଇଯାଆନ୍ତି ଗଣପତି । ସେଥିପାଇଁ ତ ବିଦ୍ୟାଦାତାଙ୍କୁ ପ୍ରସନ୍ନ କରିବା ପାଇଁ ଭକ୍ତ ଗଜାନନଙ୍କୁ ଆଦର ବଢାଇ ଦିଅନ୍ତି ମୋଦକ । ଗଣେଶ ପୂଜା ପାଇଁ ପ୍ରସିଦ୍ଧି ଲାଭ କରିଥିବା ପୁଣେର ଦଗଡୁଶେଠ୍ରେ ଚଳିତ ଥର ମୁଖ୍ୟ ଆକର୍ଷଣ ପାଲିଟିଛି 151କେଜିର ମୋଦକ ।
ଭିଡିଓ ସୌଜନ୍ୟ: ଇଟିଭି ଭାରତ ବ୍ୟୁରୋ
ଏଠାରେ ଜଣେ ଶ୍ରଦ୍ଧାଳୁ ଗଣପତିଙ୍କୁ 151 କେଜିର ମୋଦକ ପ୍ରସାଦ ରୂପେ ଅର୍ପଣ କରିଛନ୍ତି । ଯାହାକୁ ଦେଖିବା ପାଇଁ ଲୋକଙ୍କ ମଧ୍ୟରେ ବେଶ୍ ଉତ୍ସାହ ପରିଲିକ୍ଷିତ ହୋଇଥିଲା । ତେବେ ପୁଣେର ଦଗଡୁଶେଠ୍ରେ ପୂଜା ମଣ୍ଡପକୁ ଏଥର ବେଶ୍ ଆକର୍ଷଣୀୟ ଢଙ୍ଗରେ ସଜ୍ଜିତ କରାଯାଇଛି । ଏଥର ଓଡିଶାର ପ୍ରସିଦ୍ଧ କୋଣାର୍କ ମନ୍ଦିର ଆକୃତିର ମଣ୍ଡପ ସଜ୍ଜା ଯାଇଛି । ଯାହାକୁ ଦେଖିବା ପାଇଁ ମଣ୍ଡପରେ ଲାଗୁଛି ନାହିଁ ନଥିବା ଭିଡ ।
