ଗୁଆନାଜୁଆଟୋ: ମେକ୍ସିକୋର ଏକ ନାଇଟ କ୍ଲବରେ ଗୁଳିକାଣ୍ଡ ଘଟି ଅନ୍ୟୁନ 15 ଜଣଙ୍କର ମୃତ୍ୟୁ ଘଟିଛି । ଏଥିରେ ଅନ୍ୟ 7 ଜଣ ଆହାତ ହୋଇଥିବା ଶନିବାର ସ୍ଥାନୀୟ ଆଇନଜୀବୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି । କ୍ଲବଟି ମେକ୍ସିକୋର ଦଙ୍ଗା ପ୍ରପୀଡ଼ିତ ଗୁଆନାଜୁଆଟୋ ରାଜ୍ୟରେ ଅବସ୍ଥିତ ।
ସ୍ଥାନୀୟ ଗଣମାଧ୍ୟମର ସୂଚନା ମୁତାବକ, କିଛି ସଶସ୍ତ୍ର ବ୍ୟକ୍ତି ସାଲାମାନ୍କା ସହରସ୍ଥିତ ଲା ପ୍ଲାୟା ମେନ୍ସ୍ କ୍ଲବ ଠାରେ ତିନୋଟି ଭ୍ୟାନ୍ରେ ଆସିଥିଲେ । ଏହା ପରେ କ୍ଲବ ପରିସର ମଧ୍ୟକୁ ପଶି ଗୁଳି ଚଳାଇଥିଲେ ।
ତେବେ କିଏ ଏହି ଗୁଳିକାଣ୍ଡ ଭିଆଇଛି ତାହା ସ୍ପଷ୍ଟ ହୋଇନଥିବା ବେଳେ ଗୁଆନାଜୁଆଟୋ ରାଜ୍ୟର 3 ପ୍ରମୁଖ ଅଧିକାରୀ ସମ୍ପୃକ୍ତ ଅପରାଧିକ ଗୋଷ୍ଠୀ ବିରୁଦ୍ଧରେ ତଲାସି ଅଭିଯାନ ଆରମ୍ଭ କରିଛନ୍ତି ।
