ଚେନ୍ନାଇ: ଜଙ୍ଗଲୀ ପଶୁଙ୍କ ପାଇଁ ରାକ୍ଷସ ପାଲଟୁଛି ମଣିଷ । ବଢୁଛି ପଶୁ ନିର୍ଯାତନା । କେରଳ ଗର୍ଭିଣୀ ହାତୀ ହତ୍ୟା ପରେ ହିମାଚଳ ପ୍ରଦଶରେ ପଡୋଶୀଙ୍କ ଦ୍ବାରା ବାଣ ଖାଇ ପ୍ରାଣ ହରାଇଥିଲା ଗର୍ଭିଣୀ ଗାଈ । ବର୍ତ୍ତମାନ ଏକ ବିଲୁଆ ବାଣ ଭର୍ତ୍ତି ମାଂସ ଖାଇବା ପରେ ପ୍ରାଣ ହରାଇଛି । ଏହି ଘଟଣାଟି ତାମିଲନାଡୁର ତିରୁଚିରାପଲ୍ଲୀରେ ଘଟିଛି ।
ଘଟଣାରେ ସଂପୃକ୍ତ 12 ଜଣଙ୍କୁ ଗିରଫ କରିଛି ପୋଲିସ । ଏମାନେ ଅତି ନୃଶଂସ । କେବଳ ଏଭଳି ଶିକାର କରି ସେମାନେ ଜୀବନ ବିତାନ୍ତି । ଜଣେ କନେଷ୍ଠବଳ ଏମାନଙ୍କୁ ଏକ ଚା ଦୋକାନରେ ଠାବ କରିଥିଲେ । ପରେ ସନ୍ଦେହ ହେବାରୁ ପିଛା କରିଥିଲେ । ପରେ ଏମାନଙ୍କୁ ଗିରଫ ପରେ ସମସ୍ତେ ସତ ପୋଲିସ ଆଗରେ ସ୍ବୀକାର କରିଛନ୍ତି ।
