ହାଇଦ୍ରାବାଦ: 11ଜଣ ଶିଶୁଙ୍କୁ ଚାଲାଣ ବେଳେ ଉଦ୍ଧାର କଲା ପୋଲିସ । ହାଇଦ୍ରାବାଦ ଏଲବି ନଗରରୁ ଏ ସମସ୍ତ ଶିଶୁଙ୍କୁ ଉଦ୍ଧାର କରାଯାଇଛି । ଛତିଶଗଡରୁ ହାଇଦ୍ରାବାଦକୁ ଚାଲାଣ ବେଳେ ନାବାଳକକୁ ଉଦ୍ଧାର କରିଛି ଏଲବି ନଗର ପୋଲିସ । ଏ ସମସ୍ତ ଶିଶୁଙ୍କ ଶିଶୁ ଶ୍ରମିକ ଭାବେ ନିୟୋଜିତ କରିବାକୁ ଚାଲାଣ କରାଯାଉଥିଲା ।
ସୂଚନାଯୋଗ୍ୟ, ଏଲବି ନଗର ଷ୍ଟେସନ ନିକଟରେ ଗୋଟିଏ ବସରେ ଏହି ସମସ୍ତ ଶିଶୁଙ୍କୁ ଚାଲାଣ କରାଯାଉଥିଲା । ଏହି ସମୟରେ ପ୍ରଥମେ ଜିଲ୍ଲା ଶିଶୁ ସଂରକ୍ଷଣ ୟୁନିଟ ସନ୍ଦେହ ପ୍ରକାଶ କରିଥିଲେ । ସେମାନଙ୍କୁ ଉଦ୍ଧାର କରିବା ପରେ ନିକଟସ୍ଥ ଏଲବି ନଗର ପୋଲିସକୁ ସୂଚନା ଦେଇଥିଲେ । ଉଦ୍ଧାର ଶିଶୁଙ୍କୁ ରାଜ୍ୟର ଶିଶୁ ଭବନକୁ ସ୍ଥାନାନ୍ତର କରାଯାଇଥିବା ସୂଚନା ଦେଇଛନ୍ତି ପୋଲିସ କମିଶନର । ସେପଟେ ଏନେଇ ପୋଲିସ ଏକ ମାମଲା ରୁଜୁ କରିଛି । ଏହା ସହ ତୁରନ୍ତ ଏହି ରାକେଟ ପଛରେ ଥିବା ଅଭିଯୁକ୍ତଙ୍କୁ ଧରାଯିବ ।
ବ୍ଯୁରୋ ରିପୋର୍ଟ, ଇଟିଭି ଭାରତ
