ନୂଆଦିଲ୍ଲୀ: ଦେଶର ପ୍ରଥମ ସ୍ବଦେଶୀ ଟିକା ଉତ୍ପାଦନକାରୀ ସଂସ୍ଥା ଭାରତ ବାୟୋଟେକ ନିଜ ପ୍ରସ୍ତୁତ ଟିକା କୋଭ୍ୟାକ୍ସିନ ଗବେଷଣାର ସମସ୍ତ ତଥ୍ୟ ସାର୍ବଜନୀନ କରିଛି । ଟିକା ଉତ୍ପାଦନ ଆରମ୍ଭ କରିବା ପୂର୍ବରୁ ସଂସ୍ଥା ଦ୍ବାରା କରାଯାଇଥିବା ସମସ୍ତ କ୍ଲିନିକାଲ ପ୍ରକ୍ରିୟା ଓ ପରୀକ୍ଷଣର ସମସ୍ତ ତଥ୍ୟ ସାର୍ବଜନୀନ କରିଛି ସଂସ୍ଥା ।
ପ୍ରଥମ, ଦ୍ବିତୀୟ ଓ ତୃତୀୟ ପର୍ଯ୍ୟାୟ କ୍ଲିନିକାଲ ପରୀକ୍ଷଣର ସମସ୍ତ ତଥ୍ୟ ଭାରତୀୟ ସରକାରଙ୍କ ଦ୍ବାରା ପ୍ରତ୍ୟକ୍ଷ ତତ୍ବବଧାନରେ ସମାପ୍ତ ହୋଇଥିବା କହିଛି ସଂସ୍ଥା । ଏନେଇ ସଂସ୍ଥା ପକ୍ଷରୁ ଏକ ପତ୍ରିକା ମଧ୍ୟ ପ୍ରକାଶନ କରାଯାଇଛି । ହ୍ୟୁମାନ କ୍ଲିନାକାଲ ଟ୍ରାଏଲ ସମ୍ପର୍କିତ ସମସ୍ତ ତଥ୍ୟ ସାର୍ବଜନୀନ କରିଥିବା ଏକ ମାତ୍ର ସଂସ୍ଥା ହେଉଛି କୋଭ୍ୟାକ୍ସିନ । ସେମାନେ ପାରଦର୍ଶିତାରେ ବିଶ୍ବାସ କରନ୍ତି ବୋଲି ସଂସ୍ଥା ନିଜ ବିବୃତ୍ତିରେ କହିଛି । ସଂସ୍ଥା ପକ୍ଷରୁ ମୁଖ୍ୟତଃ 3 ସ୍ତରୀୟ ପରୀକ୍ଷଣ କରାଯାଇଛି । କମ୍ପାନୀ ମଧ୍ୟ ଚିହ୍ନଟ ହୋଇଥିବା ଭାଇରସର ଡେଲ୍ଟା ଓ ବିଟା ଭ୍ୟାରିଏଣ୍ଟ ଉପରେ ମଧ୍ୟ ପରୀକ୍ଷଣ କରାଯାଇଥିବା କମ୍ପାନୀ କହିଛି ।
ତେବେ ସମସ୍ତ ପ୍ରକ୍ରିୟା ଅନୁସରଣ ପରେ ଭାରତ ବାୟୋଟେକ ଦ୍ବାରା ପ୍ରସ୍ତୁତ କୋଭ୍ୟାକ୍ସିନକୁ ଭାରତ ସରକାର ଜରୁରୀକାଳୀନ ବ୍ୟବହାରିକ ଅନୁମତି ଦେଇଥିଲେ । ତେବେ ଜାନୁଆରୀ 16 ତାରିଖରୁ ଦେଶରେ କୋଭିଡ ଟିକାକରଣ ଆରମ୍ଭ କରିଥିଲା । ଭାରତ ବାୟୋଟେକ ଦ୍ବାରା ପ୍ରସ୍ତୁତ କୋଭ୍ୟାକ୍ସିନ ଓ ସେରମ ଇଂଷ୍ଟିଚ୍ୟୁଟ ଦ୍ବାରା ପ୍ରସ୍ତୁତ କୋଭିସିଲ୍ଡ ଦୁଇ ଟିକାକୁ ନେଇ ଟୀକାକରଣ ଅଭିଯାନ କରିଥିଲା ଭାରତ ସରକାର । ତେବେ ପରବର୍ତ୍ତୀ ସ୍ଥିତିରେ କିଛି ପଡୋଶୀ ଦେଶ କୋଭ୍ୟାକ୍ସିନକୁ ଅନୁମତି ଦେଇ ନଥିଲେ ।ତେବେ ଏବେ ସୁଦ୍ଧା ମଧ୍ୟ କୋଭ୍ୟାକ୍ସିନର ଦୁଇଟି ଡୋଜ ଗ୍ରହଣ କରିଥିବା ବ୍ୟକ୍ତିଙ୍କୁ ବିଦେଶ ଗସ୍ତ କରିବା ଅନୁମତି ନାହିଁ । ତେବେ ଏନେଇ ସଂସ୍ଥା ପକ୍ଷରୁ ସମସ୍ତ ପରୀକ୍ଷଣ ତଥ୍ୟ ସାର୍ବଜନୀନ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
