ହାଇଦ୍ରାବାଦ: ଆଜିଠୁ ରାଜ୍ୟମାନଙ୍କୁ ସିଧାସଳଖ ଟିକା ଯୋଗାଣ ଆରମ୍ଭ କରିଛି ଭାରତ ବାୟୋଟେକ୍। ହାଇଦ୍ରାବାଦ ସ୍ଥିତ ଭାରତ ବାୟୋଟେକ ଦ୍ବାରା ପ୍ରସ୍ତୁତ ସ୍ବଦେଶୀ ଟିକା କୋଭାକ୍ସିନର ଯୋଗାଣ ଆରମ୍ଭ ହୋଇଛି ।
ଆନ୍ଧ୍ର, ଆସାମ, ଛତିଶଗଡ, ଗୁଜୁରାଟ, ଜମ୍ମୁ-କାଶ୍ମୀର, ଝାଡଖଣ୍ଡ, ମଧ୍ୟପ୍ରଦେଶ, ମହାରାଷ୍ଟ୍ର, ଓଡିଶା, ତାମିଲନାଡୁ, ତେଲେଙ୍ଗାନା, ଉତ୍ତରପ୍ରଦେଶ ଓ ପଶ୍ଚିମବଙ୍ଗକୁ ଟିକା ଯୋଗାଣ କରିବ କମ୍ପାନୀ । ତେବେ କେଉଁ ରାଜ୍ୟକୁ କେତେ ଡୋଜ ପଠାଯାଇଛି ସେନେଇ କମ୍ପାନୀ ପକ୍ଷରୁ କୌଣସି ସୂଚନା ଦିଆଯାଇନାହିଁ । ଭାରତ ସରକାର ପକ୍ଷରୁ ଟିକା ଆବଣ୍ଟନ ଆଧାରରେ କମ୍ପାନୀ ଏହି ଯୋଗାଣ ଆରମ୍ଭ କରିଛି।
ଭାରତ ବାୟୋଟେକର ସହ-ପ୍ରତିଷ୍ଠାତା ତଥା ଯୁଗ୍ମ ପରିଚାଳନା ନିର୍ଦ୍ଦେଶକ ସୁଚିତ୍ରା ଏଲା ଟୁଇଟ୍ କରି କହିଛନ୍ତି ଯେ, ଅନ୍ୟ ରାଜ୍ୟରୁ ମଧ୍ୟ ଟିକା ଯୋଗାଇ ନେଇ ନିବେଦନ ଆସିଛି, ତେବେ ଟିକାର ଉପଲବ୍ଧତା ଅନୁସାରେ 24x7 ର ବଣ୍ଟନ ପାଇଁ ପ୍ରକ୍ରିୟାକରଣ କରାଯିବ।
ଟିକା କମ୍ପାନୀରୁ ରାଜ୍ୟ ସରକାର ସିଧାସଳଖ 50 ପ୍ରତିଶତ ଟିକା କିଣିପାରିବେ ବୋଲି କେନ୍ଦ୍ର ପକ୍ଷରୁ ଅନୁମତି ଦିଆଯାଇଛି । ଏହି ଆଧାରରେ କମ୍ପାନୀ କୋଭାକ୍ସିନର ଦର ଧାର୍ଯ୍ୟ କରିଛି । ପ୍ରତି ଡୋଜ ପିଛା ରାଜ୍ୟ ସରକାରଙ୍କୁ 600 ବଦଳରେ 400 ଟଙ୍କାରେ ବିକ୍ରି କରାଯିବ । ସେରମ ଇନଷ୍ଟିଚ୍ୟୁଟ ନିଜର ଦର ହ୍ରାସ କରିବା ପରେ ଭାରତ ବାୟୋଟେକ ମଧ୍ୟ ମୂଲ୍ୟ କମାଇଛି ।
@IANS
