କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ପୂର୍ବରୁ ନିଜ ନିଜ କ୍ୟାମ୍ପକୁ ମଜବୁତ କରିବାରେ ଲାଗିଛନ୍ତି ସମସ୍ତ ରାଜନୈତିକ ଦଳ । ନିର୍ବାଚନ ଜିତିବାକୁ ବିଜେପି ବି ନିଜର ସମସ୍ତ ଶକ୍ତି ଲଗାଇଦେଇଛି । ଏହାରି ମଧ୍ୟରେ ଆଶାୟୀ ପ୍ରାର୍ଥୀ ମଧ୍ୟ ନିଜ ମନପସନ୍ଦର ଦଳ ମୁହାଁ ହେଉଛନ୍ତି । ଏହି କ୍ରମରେ ବିଜେପିରେ ସାମିଲ ହୋଇଛନ୍ତି ବଙ୍ଗଳା ଅଭିନେତ୍ରୀ ପାୟଲ ସରକାର ।
ପାୟଲ ସରକାର କୋଲକାତାସ୍ଥିତ ଏକ କାର୍ଯ୍ୟକ୍ରମରେ ବିଜେପିରେ ସାମିଲ ହୋଇଛନ୍ତି । ଏହି କାର୍ଯ୍ୟକ୍ରମରେ ପଶ୍ଚିମବଙ୍ଗ ରାଜ୍ୟ ବିଜେପି ସଭାପତି ଦିଲୀପ ଘୋଷ ଓ ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ମଧ୍ୟ ଉପସ୍ଥିତ ଥିଲେ ।
ଏହା ପୂର୍ବରୁ ବଙ୍ଗଳା ଅଭିନେତା ୟଶ ଦାଶଗୁପ୍ତା ମଧ୍ୟ ବିଜେପିରେ ସାମିଲ ହୋଇଥିଲେ । ସେହିପରି ବୁଧବାର ସାୟୋନୀ ଘୋଷ, କାଞ୍ଚନ ମଲ୍ଲିକ, କ୍ରିକେଟର ମନୋଜ ତିୱାରୀ ତୃଣମୂଳ କଂଗ୍ରେସରେ ସାମିଲ ହୋଇଥିଲେ ।
