କୋଲକାତା: ପୂର୍ବ ମେଦିନାପୁରର ରାଲିରେ ବିଜେପି ଉପରେ ବର୍ଷିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ । ବିଜେପିକୁ ଅଲବିଦା ବୋଲି କହିଛନ୍ତି ମମତା । ସେ କହିଛନ୍ତି ଆମେ ମୋଦିଙ୍କ ଚେହେରା ଦେଖିବାକୁ ଚାହୁଁନାହୁଁ । ଆମେ ଦଙ୍ଗା, ଲୁଟ, ଦୁର୍ଯ୍ୟୋଧନ, ଦୁଃଶାସନଙ୍କୁ ଚାହୁଁ ନଥିବା କହିଛନ୍ତି ଦିଦି ।
ନନ୍ଦିଗ୍ରାମ ଘଟଣା ବିଷୟ ଉଠାଇ ମମତା କହିଛନ୍ତି, ମୋ ବିରୋଧୀ ମୋ ମୁଣ୍ଡକୁ ଆଘାତ ଦେଇଛନ୍ତି । ଏବେ ମୋ ଗୋଡକୁ ଆଘାତ ପହଞ୍ଚାଇଛନ୍ତି । ହେଲେ ମୁଁ ଯୋଦ୍ଧା । ସେ କହିଛନ୍ତି, ଟିଏମସି ବିରୋଧରେ ବିଦ୍ରୋହ କରିଥିବା ନେତାଙ୍କୁ ବିଧାନସଭା ନିର୍ବାଚନ ପାଇଁ ଟିକେଟ ଦେଇଛି ବିଜେପି । ଦଳର ପୁରୁଣା ନେତା ଘରେ ବସି ଲୁହ ଗଡାଉଥିବା କହିଛନ୍ତି ମମତା ।
