ନୂଆଦିଲ୍ଲୀ: ପୁଣି ଚର୍ଚ୍ଚାରେ ‘ବାବା କା ଢାବା’ର ଫେମସ ଦମ୍ପତ୍ତି । ରାତାରାତି ସୋସିଆଲ ମିଡିଆର ସେନସେସନ ପାଲଟିଥିବା ଏହି ବୃଦ୍ଧ ଦମ୍ପତ୍ତିକୁ ବିଭିନ୍ନ ଆଡୁ ଛୁଟୁଛି ସାହାଯ୍ୟର ସୁଅ । ଦକ୍ଷିଣ ଦିଲ୍ଲୀର ମାଲଭିଆ ନଗରରେ ଥିବା ବହୁ ଚର୍ଚ୍ଚିତ ‘ବାବା କା ଢାବା’ର ମାଲିକ ବୃଦ୍ଧ ଦମ୍ପତି ଜଣଙ୍କର ମଙ୍ଗଳବାର ଜଣେ ଡାକ୍ତର ମାଗଣାରେ ମୋତିଆବିନ୍ଦୁ ଅସ୍ତ୍ରୋପଚାର କରିଛନ୍ତି ।
କୋରେନା ସମୟରୁ ଲକଡାଉନରେ ଦୁଇମୁଠା ଖାଇବାକୁ ପାଉ ନଥିବା କାନ୍ତ ପ୍ରସାଦ ଓ ବାଦାମି ଦେବୀ ୟୁ଼ଟୁବ୍ୟରେ ଆସିବା ପରେ ତାଙ୍କ ପ୍ରତି ଅନେକ ଲୋକଙ୍କର ସ୍ନେହ, ଶ୍ରଦ୍ଧା ଓ ସାହାଯ୍ୟର ହାତ ବଢିଛି । ତାଙ୍କର ଭାଇରାଲ ଭିଡିଓକୁ ଦେଖି କିଛି ଡାକ୍ତରୀଦଳ ତାଙ୍କ ପାଖରେ ପହଞ୍ଚିଥିଲେ । ତାଙ୍କ ସହ କଥା ହୋଇ ଡାକ୍ତର ଜଣକ ଜାଣିବାକୁ ପାଇଲେ ଯେ ଦମ୍ପତ୍ତିଙ୍କର ଆଖିରେ ମୋତିଆବିନ୍ଦୁ ହୋଇଛି । ସେମାନେ କେବଳ 30ପ୍ରତିଶତ ଦେଖିପାରୁଛନ୍ତି ।
