ହାଇଦ୍ରାବାଦ: ବିହାହ କରିବାକୁ ଅଟୋରେ ମଣ୍ଡପ ଯାଉଥିଲେ କନ୍ୟା ଓ ତାଙ୍କ ପରିବାର ସଦସ୍ୟ (Auto driver returned jewelry bag)। କିନ୍ତୁ ମଣ୍ଡପରେ ପହଞ୍ଚିବା ପରେ ଜଣା ପଡିଥିଲା ଗହଣା ରଖାଯାଇଥିବା ବ୍ୟାଗଟି କେଉଁଠାରେ ହଜି ଯାଇଛି । କନ୍ୟା ପରିବାର ସମସ୍ତଙ୍କ ମୁଣ୍ଡରେ ଚଡକ ପଡିଥିବା ବେଳେ ହଠାତ ହାତରେ ଗହଣା ଭର୍ତ୍ତି ବ୍ୟାଗ ଧରି ମଣ୍ଡପରେ ପହଞ୍ଚିଲେ ସମ୍ପୃକ୍ତ ଅଟୋ ଡ୍ରାଇଭର । କନ୍ୟାଙ୍କୁ ଗହଣା ଭର୍ତ୍ତି ବ୍ୟାଗ ଫେରାଇଲେ, ବିବାହ ପାଇଁ କନ୍ୟାଙ୍କୁ ଆର୍ଶୀବାଦ ମଧ୍ୟ କଲେ । କଥାଟି କାହାଣୀ ପରି ଲାଗୁଥିଲେ ମଧ୍ୟ ସତ୍ୟ (Auto driver returned jewelry bag)। ଏପରି ଜଣେ ଅଟୋବାଲାଙ୍କ ସାଧୁତାର ପରାକାଷ୍ଠା ଦେଖିବାକୁ ମିଳିଛି ଉତ୍ତରାଖଣ୍ଡର ହଲଦଓ୍ବାନୀ ଜିଲ୍ଲାରେ ।
ଏହି ଘଟଣାଟି ନୈନିତାଲ ଜିଲ୍ଲାର ହାଲଦୱାନୀରେ ଦେଖିବାକୁ ମିଳିଛି । ସହରର ମୁଖାନିରେ ଗତକାଲି (ଶୁକ୍ରବାର) ଏକ ବିବାହ କାର୍ଯ୍ୟକ୍ରମ ଥିଲା । କନ୍ୟା ପରିବାର ପ୍ରାୟ 6ଲକ୍ଷ ଟଙ୍କା ମୂଲ୍ୟର ଗହଣା ସହ ଏକ ଅଟୋ ଯୋଗେ ବବାହ ହେବାକୁ ଥିବା ହଲ ବା ମଣ୍ଡପ ଅଭିମୁଖେ ଯାଉଥିଲେ । କିନ୍ତୁ ଅଟୋରେ ଅଳଙ୍କାର ବ୍ୟାଗକୁ ଭୁଲି ଯାଇଥିଲେ । ତେବେ ମଣ୍ଡପରେ ପହଞ୍ଚିବା ପରେ ଗହଣା ବ୍ୟାଗଟି କେଉଁଠାରେ ହଜି ଯାଇଥିବା ଜାଣିବାକୁ ପାଇ ବିଚଳିତ ହୋଇପଡିଥିଲା ପୁରା ପରିବାର ।
ଏହି ସମୟରେ ସମ୍ପୃକ୍ତ ଅଟୋ ଡ୍ରାଇଭର କିର୍ତ୍ତୀ ବଲ୍ଲଭ ଯୋଶୀ ବିବାହ ମଣ୍ଡପରେ ପହଞ୍ଚିଥିଲେ । ସେ ଅଟୋରେ ଛାଡି ଯାଇଥିବା ବ୍ୟାଗଟିକୁ କନ୍ୟା ପରିବାରକୁ ଫେରାଇଥିଲେ । କନ୍ୟା ପରିବାର କହିବା ଅନୁସାରେ ସେଥିରେ ପ୍ରାୟ 6ଲକ୍ଷ ଟଙ୍କାର ଗହଣା ଓ 50,000 ନଗଦ ଟଙ୍କା ଥିଲା । ଅଟୋ ଡ୍ରାଇଭର କିର୍ତ୍ତୀ ବଲ୍ଲଭଙ୍କ ଏପରି ମହାନ କାର୍ଯ୍ୟକୁ ସାଧାରଣରେ ବେଶ ପ୍ରଶଂସା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
