ନୂଆଦିଲ୍ଲୀ: ଆସାମ ଓ ମିଜୋରାମ ସୀମା ବିବାଦକୁ ନେଇ ଆଜି ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା । ଆସାମର ବିଜେପି ସାଂସଦଙ୍କ ସହ ଆସାମ ମୁଖ୍ୟମନ୍ତ୍ରୀ ପଡୋଶୀ ରାଜ୍ୟ ମିଜୋରାମ ସହ ସୀମା ବିବାଦକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିବାର ମଧ୍ୟ ସମ୍ଭାବନା ରହିଛି।
ଶନିବାର ଠାରୁ ଆସାମ ମୁଖ୍ୟମନ୍ତ୍ରୀ ନୂଆଦିଲ୍ଲୀରେ ଥିଲେ ମଧ୍ୟ କୌଣସି କାରଣରୁ ଅମିତ ଶାହାଙ୍କୁ ଭେଟିପାରିନଥିଲେ । ତେବେ ଦୁଇ ରାଜ୍ୟର ମିଳିତ ସହମତିରେ ଶାନ୍ତି ବଜାୟ ରଖିବା ପାଇଁ ନିରପେକ୍ଷ ବାହିନୀକୁ ଆନ୍ତଃରାଜ୍ୟ ସୀମାର ବିବାଦୀୟ ଅଞ୍ଚଳରେ ପାଟ୍ରୋଲିଂ କରିବାକୁ କେନ୍ଦ୍ରର ପଦକ୍ଷେପ ଗ୍ରହଣ କରିବାକୁ ସହମତି ପ୍ରକାଶ କରିଛନ୍ତି। ବର୍ତ୍ତମାନ ଜାତୀୟ ରାଜଧାନୀରେ ଥିବା ଅଲ ଇଣ୍ଡିଆ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ ମୁଖ୍ୟ ତଥା ଲୋକସଭା ସାଂସଦ ବଦରୁଦ୍ଦିନ ଅଜମଲ କହିଛନ୍ତି ଯେ ଆସାମରେ ହୋଇଥିବା ଏନକାଉଣ୍ଟର ସମ୍ପର୍କରେ ସେ ଆଲୋଚନା କରିବେ ଏବଂ ଆଜି ଏହି ପ୍ରସଙ୍ଗରେ ଅମିତ ଶାହାଙ୍କୁ ଭେଟିବା ନେଇ ଗଣମାଧ୍ୟମରେ ପ୍ରକାଶ କରିଛନ୍ତି ।
"କେବଳ ମିଜୋରାମ ନୁହେଁ, ସମସ୍ତ ପଡୋଶୀ ରାଜ୍ୟ ମଧ୍ୟ ଆମ ଜମିର କିଛି ଅଂଶ ନେଇଛନ୍ତି। ଏଥିପାଇଁ ଏକ ନିର୍ଦ୍ଦିଷ୍ଟ ସୀମା ନିର୍ଦ୍ଧାରଣ ହେବା ଉଚିତ୍। ଗତ ୬ରୁ ୭ ମାସ ମଧ୍ୟରେ ମିଜୋରାମ ଆମର କିଛି ଅଂଶ ଜମିକୁ ବେଆଇନ ଭାବେ ଦଖଲ କରିଛି । ଯାହା ଆଇନ ଅନୁଯାୟୀ ସୀମା ନିର୍ଦ୍ଧାରଣ ହେବା ସହ ଦଖଲ ହୋଇଥିବା ଜମି ମୁକ୍ତ କରାଯିବାର ଆବଶ୍ୟକତା ରହିଛି ।
ଏହାପୂର୍ବରୁ ଚଳିତ ମାସରେ ମିଜୋରାମ ରାଜ୍ୟପାଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଭେଟି ବର୍ତ୍ତମାନର ସୀମା ସ୍ଥିତି ଏବଂ ଦୁଇ ରାଜ୍ୟ ମଧ୍ୟରେ ତିକ୍ତତାକୁ କିପରି ସମାଧାନ କରିବେ ସେନେଇ ଆଲୋଚନା କରିଥିଲେ। ଏନେଇ ରାଜ୍ୟପାଳ କହିଥିଲେ ଯେ ଏହା ଏକ ଦୁର୍ଭାଗ୍ୟଜନକ ଘଟଣା। କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏହି ସମସ୍ୟାକୁ ଦୂର କରିବା ସହ ଏହାର ସମାଧାନ ପାଇଁ ଚେଷ୍ଟା କରୁଛନ୍ତି। ଉଭୟ ମୁଖ୍ୟମନ୍ତ୍ରୀ ଆଲୋଚନା ମାଧ୍ୟମରେ ଶାନ୍ତି ଫେରାଇ ଆଣିବେ ବୋଲି ମିଜୋରାମ ରାଜ୍ୟପାଳ ଦୋହରାଇଥିଲେ ।
ଜୁଲାଇ ୨୬ ରେ, ଦୁଇ ରାଜ୍ୟ ମଧ୍ୟରେ ସୀମା ବିବାଦ ବିବାଦ ଚାଲିଥିଲା ଏବଂ ଦୁଇ ରାଜ୍ୟର ପୋଲିସ ମଧ୍ୟରେ ଏନକାଉଣ୍ଟର ହୋଇଥିବା, ଯେଉଁଥିରେ ଆସାମ ପୋଲିସ କର୍ମଚାରୀ ଏବଂ ଜଣେ ସାଧାରଣ ନାଗରିକଙ୍କ ମୃତ୍ୟୁ ଘଟିଥିଲା। ଏହି ଘଟଣାରେ ଅତି କମରେ ୫୦ ଜଣ ଆହତ ହୋଇଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
