ଶ୍ରୀନଗର: ଜମ୍ମୁକାଶ୍ମୀର ପୋଲିସକୁ ସଫଳତା । ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କବାଦୀ ନିହତ ହୋଇଥିବା ସୂଚନା । ବିପୁଳ ଅସ୍ତ୍ରଶସ୍ତ୍ର ସହ ଅଫୁଟା ଗୁଳି ଜବତ କଲା ପୋଲିସ । ଗତକାଲି ଆତଙ୍କୀଙ୍କ ବିରୋଧରେ ଦୁଇଟି ସ୍ଥାନରେ ସର୍ଚ୍ଚ ଅପରେସନ ଆରମ୍ଭ ହୋଇଥିବା ବେଳେ ବାନ୍ଦିପୋରାରେ ସୁରକ୍ଷାକର୍ମୀ ଗୁଳିରେ ଜଣେ ଆତଙ୍କି ନିହତ ହୋଇଥିଲା । ସୂଚନା ଅନୁଯାୟୀ ବାନ୍ଦିପୋରାରେ ଆତଙ୍କବାଦୀ ଥିବା ନେଇ ପୋଲିସକୁ ସୂଚନା ମିଳିଥିଲା ।
ଏହାପରେ ସୁରକ୍ଷାକର୍ମୀଙ୍କ ଦ୍ବାରା ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ଏହି ସମୟରେ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବନିମୟ ଆରମ୍ଭ ହୋଇଥିଲା । ମୃତ ଆତଙ୍କୀ ଜଣଙ୍କ ବାରମୁଳା ଓ୍ବିସାନ ପଟନ ଅଞ୍ଚଳର ଗୁଲଜାର ଅହମ୍ମଦ ବୋଲି ଜଣାପଡିଛି । ଗତକାଲି ଅନନ୍ତନାଗରେ ଆତଙ୍କୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଏନକାଉଣ୍ଟର ହୋଇଥିଲା । ଏନେଇ ଅଧିକ ସୂଚନାକୁ ଏବେ ଅପେକ୍ଷା ରହିଛି ।
