ମୁମ୍ବାଇ: ଦୁର୍ନୀତି ଅଭିଯୋଗର ସମ୍ମୁଖୀନ ହେଉଛନ୍ତି ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ । ସୋମବାର ଏନେଇ ବମ୍ବେ ହାଇକୋର୍ଟକୁ ତାଙ୍କ ବିରୋଧରେ ପଞ୍ଜୀକୃତ ହୋଇଥିବା ମାମଲାକୁ ରଦ୍ଦ କରିବାକୁ ଦାବି କରିଛନ୍ତି । ଏଜେନ୍ସି ଦ୍ୱାରା କୌଣସି ବାଧ୍ୟତାମୂଳକ କାର୍ଯ୍ୟରୁ ମଧ୍ୟବର୍ତ୍ତୀକାଳୀନ ସୁରକ୍ଷା ପାଇଁ ଦେଶମୁଖ ମଧ୍ୟ ନିବେଦନ କରିଥିଲେ ।
ଏହାପୂର୍ବରୁ ଗତ ମାସରେ ସିବିଆଇ ତାଙ୍କ ତଥା ଅନ୍ୟମାନଙ୍କ ବିରୋଧରେ ଦୁର୍ନୀତି ନିବାରଣ ଆଇନର ଧାରା 7 ଅନୁଯାୟୀ ଏକ ସରକାରୀ ମାମଲା ରୁଜୁ କରିଥିଲା । ବମ୍ବେ ହାଇକୋର୍ଟ ପୂର୍ବତନ ମୁମ୍ବାଇ ପୋଲିସ କମିଶନର ପରମ ବିର୍ ସିଂଙ୍କ ବିରୋଧରେ ଆସିଥିବା ଅଭିଯୋଗର ତଦନ୍ତ ଆରମ୍ଭ କରିବାକୁ ସିବିଆଇକୁ ନିର୍ଦ୍ଦେଶ ଦେବା ପରେ ଦେଶମୁଖ ତାଙ୍କ ପଦରୁ ଇସ୍ତଫା ଦେଇଛନ୍ତି । ଯଦି କୌଣସି ଅପରାଧର ସଙ୍କେତ ମିଳେ ତେବେ କୋର୍ଟ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଛନ୍ତି ।
ଏହାପୂର୍ବରୁ ଏପ୍ରିଲ 24 ରେ ପରମ ବୀର ସିଂଙ୍କ ଅଭିଯୋଗକୁ ଗ୍ରହଣ କରି ତାଙ୍କ ବିରୋଧରେ ମାମଲା ରୁଜୁ କରିବା ପରେ ସିବିଆଇ ଅନିଲ ଦେଶମୁଖଙ୍କ 4ଟି ଘରେ ଚଢାଉ କରିଥିଲା । ଅନୁସନ୍ଧାନ ବେଳେ ସିବିଆଇ ଅପରାଧୀ ଡକ୍ୟୁମେଣ୍ଟ ଏବଂ ଡିଜିଟାଲ ଉପକରଣ ଉଦ୍ଧାର କରିଥିବା ଜଣାପଡିଛି ।
ବ୍ଯୁରୋ ରିପୋର୍ଟ, ଇଟିଭି ଭାରତ
