ଅମରାବତୀ: ଆନ୍ଧ୍ରପ୍ରଦେଶରେ କୋରୋନାର ନୂଆ ଷ୍ଟ୍ରେନ ଦେଖାଯିବା ପରେ ରାଜ୍ୟରେ କୋରୋନା ସ୍ଥିତି ଅସମ୍ଭାଳ ହୋଇପଡିଛି । ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାର ରାଜ୍ୟକୁ ଅକ୍ସିଜେନ ଯୋଗାଣ ପରିମାଣ 590କୁ ବୃଦ୍ଧି କରିବା ପରେ ଅଧିକ ଅକ୍ସିଜେନ ନିକଟସ୍ଥ ପ୍ଲାଣ୍ଟରୁ ଯୋଗାଇବା ପାଇଁ ସରକାର ଦାବି କରିଛନ୍ତି ।
ଆନ୍ଧ୍ରରେ ଚିହ୍ନଟ ହୋଇଥିବା କୋରୋନାର ନୂଆ ଷ୍ଟ୍ରେନ ଦ୍ରୁତ ଗତିରେ ସଂକ୍ରମଣ କରୁଛି । ଯାହାଫଳରେ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇଛି । ଗତ 24 ଘଣ୍ଟାରେ କେନ୍ଦ୍ର ରାଜ୍ୟକୁ 490 ମେଟ୍ରିକ ଟନ ଅକ୍ସିଜେନ ଯୋଗାଇବା ସହିତ ଯୋଗାଣ ପରିମାଣକୁ 590 ମେଟ୍ରିକ ଟନକୁ ବୃଦ୍ଧି କରିଛି । ଏହାପରେ ରାଜ୍ୟକୁ ଯଥାଶୀଘ୍ର ନିକଟସ୍ଥ ଚେନ୍ନାଇ ଓ ବେଲାରି ପ୍ଲାଣ୍ଟରୁ ଅକ୍ସିଜନ ଯୋଗାଇବା ପାଇଁ ଆନ୍ଧ୍ର ସରକାର କେନ୍ଦ୍ରକୁ ଶନିବାର ଅନୁରୋଧ କରିଛନ୍ତି ।
ରାଜ୍ୟରେ ସଂକ୍ରମଣ ବଢୁଥିବାରୁ ଶଯ୍ୟା ସଂଖ୍ୟା ମଧ୍ୟ ବୃଦ୍ଧି କରାଯାଇଛି । ରାଜ୍ୟରେ ମୋଟ 7 ହଜାର 65ଟି ଆଇସିୟୁ ବେଡ ରହିଥିବା ବେଳେ ସେଥିମଧ୍ୟରୁ 6300 ଶଯ୍ୟାରେ ଆକ୍ରାନ୍ତ ଚିକିତ୍ସିତ ହେଉଛନ୍ତି । ସେହିପରି 23 ହଜାର 585ଟି ଅକ୍ସିଜେନ ବେଡ ରହିଥିବା ବେଳେ ସେଥିମଧ୍ୟରୁ 21 ହଜାର 950ଟି ଶଯ୍ୟା ମଧ୍ୟ ବୁକ ରହିଛି । ଅନ୍ୟପଟେ 14 ହଜାର 784 ଆକ୍ରାନ୍ତ କୋଭିଡ ହସ୍ପିଟାଲରେ ଚିକିତ୍ସିତ ହେଉଥିବା ରାଜ୍ୟ ମେଡିକାଲ ଓ ହେଲଥ ପ୍ରିନ୍ସିପାଲ ସେକ୍ରେଟାରୀ ଅନିଲ କୁମାର ସିଘଂଲ ସୂଚନା ଦେଇଛନ୍ତି ।
@ANI
