ଜୟପୁର: ସୀମା ସୁରକ୍ଷା ବାହିନୀ(BSF)ର ଆଜି ୫୭ତମ ରାଇଜିଂ ଡେ' । ରାଜସ୍ଥାନର ଜୈସଲମେର ପ୍ରଥମ କରି ପାଳନ ହେଉଛି BSF ର ରାଇଜିଂ ଡେ । ଦୁଇ ଦିନିଆ ରାଜସ୍ଥାନ ଗସ୍ତରେ ଥିବା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏଥିରେ ଯୋଗ ଦେଇଛନ୍ତି ।
କାର୍ଯ୍ୟକ୍ରମକୁ ସମ୍ବୋଧିତ କରି ଗୃହମନ୍ତ୍ରୀ ଅମିତ ଶାହ କହିଛନ୍ତି ଯେ, 'ସୀମା ସୁରକ୍ଷାରେ ଥିବା ଯବାନଙ୍କ ଉଦ୍ଦେଶ୍ୟରେ କେନ୍ଦ୍ର ସରକାର ଉତ୍କୃଷ୍ଠମାନର ଜ୍ଞାନ କୌଶଳର ବନ୍ଦୋବସ୍ତ ପାଇଁ ପ୍ରତିଶୃତିବଦ୍ଧ ଅଛନ୍ତି । ୨୦୧୪ ରୁ ସରକାର ସୀମା ସୁରକ୍ଷା ଉପରେ ଗୁରୁତ୍ବାରୋପ କରୁଛନ୍ତି । ଦେଶର ସୁରକ୍ଷା ପାଇଁ ସେମାନଙ୍କ ବହୁମୂଲ୍ୟ ଜୀବନ ଦେଇଥିବା ଯବାନ ସବୁବେଳେ ମନେ ରହିବେ । BSF ଏବଂ CAPF ପୋଲିସର ଶହୀଦ ଯବାନଙ୍କୁ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରୁଛି ।'
ଏହା ମଧ୍ୟ ପଢନ୍ତୁ:- ରାଜସ୍ଥାନ ସୀମାରେ ସ୍ଥିତି ପରଖିଲେ ଶାହ, BSF କ୍ୟାମ୍ପରେ କଲେ ରାତ୍ରି ଭୋଜନ
ସୂଚନା ଅନୁଯାୟୀ ଗତକାଲି(ଶନିବାର) ରାଜସ୍ଥାନର ଜୟସୈଲମର ନିକଟରେ ଆନ୍ତର୍ଜାତୀୟ ସୀମାରେ ଭାରତୀୟ ସୁରକ୍ଷାବଳର ଫରଓ୍ବାର୍ଡ ପୋଷ୍ଟ ପରିଦର୍ଶନ କରିବା ସହ ସୁରକ୍ଷା ବ୍ୟବସ୍ଥାର ସମୀକ୍ଷା କରିଥିଲେ ଶାହ । ଏହାପରେ ସେ BSF କ୍ୟାମ୍ପରେ ସୀମା ସୁରକ୍ଷା ବଳର ଅଧିକାରୀଙ୍କ ସହ ରାତ୍ରିଭୋଜନ କରିଥିଲେ ।
ଭାରତ-ପାକ୍ ଆନ୍ତର୍ଜାତୀୟ ସୀମା ନିକଟରେ ଥିବା ସୀମା ସୁରକ୍ଷା ବଳ (BSF) ଶିବିରକୁ ଏହା କେନ୍ଦ୍ର ଗୃହମନ୍ତ୍ରୀ ଶାହାଙ୍କ ପ୍ରଥମ ଗସ୍ତ ।
@ANI
