ନୂଆଦିଲ୍ଲୀ: ଜାନୁଆରୀ ୩ ତାରିଖ (ସୋମବାର) ଠାରୁ 6 ଟି ପଡୋଶୀ ଭାଷାର ପ୍ରସାରଣ ସମୟ ଅବଧି ବୃଦ୍ଧି କରିବ ଅଲ ଇଣ୍ଡିଆ ରେଡିଓ (AIR)। ଏହି ୬ ଭାଷା ମଧ୍ୟରେ ଡାରି, ପାସ୍ତୋ, ବାଲୁଚି, ମାଣ୍ଡାରିନ୍ ଚାଇନିଜ୍, ନେପାଳୀ ଏବଂ ତିବ୍ଦତୀୟ ଭାଷା ରହିଛି । ପୂର୍ବରୁ ଏହି ସବୁ ବିଦେଶୀ ଭାଷାରେ ଦୈନିକ ମାତ୍ର ୧.୫ ଘଣ୍ଟା ପ୍ରସାରିତ ହେଉଥିବାବେଳେ ଏବେ ଏହାକୁ ଦ୍ବିଗୁଣା ଅର୍ଥାତ ଦୈନିକ ୩ ଘଣ୍ଟାକୁ ବୃଦ୍ଧି କରିବାକୁ ନିଷ୍ପତ୍ତି ନେଇଛି ଆକାଶବାଣୀ ।
AIR ଦ୍ବାରା ଜାରି ଏକ ବିବୃତ୍ତି ଅନୁଯାୟୀ, ଏହି ୬ଟି ଭାଷାର ପ୍ରତ୍ୟେକରେ ପ୍ରସାରଣ ସମୟକୁ 1 ରୁ 1.5 ଘଣ୍ଟା ପରିବର୍ତ୍ତେ ଦିନକୁ 3 ଘଣ୍ଟା ବୃଦ୍ଧି କରାଯାଇଛି । ଅଲ ଇଣ୍ଡିଆ ରେଡିଓର ବାହ୍ୟ ସେବା ବିଭାଗ 3 ଜାନୁୟାରୀରୁ ଏହି ନିଷ୍ପତ୍ତି କାର୍ଯ୍ୟକାରୀ କରିବ । ଏହି ୬ଟି ଭାଷାରେ ପ୍ରସାରଣ ସେବା ପ୍ରତ୍ୟେକ ଦିନ ସକାଳ ଏବଂ ସନ୍ଧ୍ୟାରେ ଦେଢ ଘଣ୍ଟା ପାଇଁ ଉପଲବ୍ଧ ହେବ ବୋଲି ଏକ ସରକାରୀ ଭାବେ ଘୋଷଣା କରାଯାଇଛି ।
AIR ର ବାହ୍ୟ ସେବା ବିଭାଗ ପ୍ରତ୍ୟେକ ଦିନ 17 ଟି ଭାଷାରେ ପ୍ରସାରଣ କରେ । ଏହି ଭାଷା ଗୁଡ଼ିକରେ ଫରାସୀ, ମାଣ୍ଡାରିନ୍ ଚାଇନିଜ୍, ତିବ୍ଦତୀୟ, ସିନ୍ଧି, ଇଣ୍ଡୋନେସିଆ, ନେପାଳୀ, ଉର୍ଦ୍ଦୁ, ବାଲୁଚି, ଦାରି, ପାସ୍ତୋ, ଆରବୀ, ପାର୍ସୀ, ତିବ୍ଦତୀୟ, ପଞ୍ଜାବୀ, ସାରିକି, ଏବଂ ବଙ୍ଗାଳୀ ଅନ୍ତର୍ଭୁକ୍ତ ରହିଛି । ତେବେ ପଡୋଶୀ ୬ ଭାଷାରେ ଦୈନିକ ମାତ୍ର ଦେଢଘଣ୍ଟା ପ୍ରସାରଣ ହେଉଥିବା ବେଳେ ଏହି ଅବଧିକୁ ଦୁଇ ଗୁଣା କରିବାକୁ ନିଷ୍ପତ୍ତି ହୋଇଛି ।
@ANI
