ବେଙ୍ଗାଲୁରୁ: କର୍ଣ୍ଣାଟକର ମାଲେମହାଦେଶ୍ବରର ହାନୁର ତାଲୁକାରେ ଏକ ମନ୍ଦିରରେ ଅମାବାସ୍ୟାରେ ଶ୍ରଦ୍ଧାଳୁଙ୍କ ଭିଡ଼ ଜମେ । ଗତ ଗୁରୁବାର ମଧ୍ୟ ଏହିଭଳି ଭିଡ଼ ଜମିଥିଲା । ଶ୍ରଦ୍ଧାଳୁଙ୍କଠାରୁ ଟିକେଟ୍ ନେଇ ଲଡ଼ୁ ପ୍ରସାଦ ଦେଉଥିଲେ ଜଣେ କର୍ମଚାରୀ । ଏହି ସମୟରେ ଜଣେ ଶ୍ରଦ୍ଧାଳୁଙ୍କୁ ପ୍ରସାଦ ସହ ଟଙ୍କା ବ୍ୟାଗ୍ ଦେଇ ଦେଇଛନ୍ତି ସମ୍ପୃକ୍ତ କର୍ମଚାରୀ ।
ଦର୍ଶନମ୍ କାଉଣ୍ଟର ଦାୟିତ୍ବରେ ଥିଲେ ସମ୍ପୃକ୍ତ କର୍ମଚାରୀ । ଏହି ସମୟରେ ଏକ ଟିକେଟ ନେଇ ସ୍ପେଶାଲ୍ ଲଡ଼ୁ ପ୍ରସାଦ ଦେଇଥିଲେ କର୍ମଚାରୀ । ଏହାପରେ ଭୁଲ୍ ବସତଃ ପାଖରେ ୨.୯୧ ଲକ୍ଷ ଟଙ୍କା ଭର୍ତ୍ତି ବ୍ୟାଗ୍ ମଧ୍ୟ ଦେଇ ଦେଇଥିଲେ । ଦୀର୍ଘ ସମୟ ଧରି ଏଠାରେ ବ୍ୟାଗ ମିଳିନଥିଲା । ଏହାପରେ ସିସିଟିଭି ଯାଞ୍ଚ କରିବା ପରେ କର୍ମଚାରୀ ଜଣକ ଟଙ୍କା ବ୍ୟାଗ୍ ଦେଇଦେଇଥିବା ଜଣାପଡ଼ିଛି ।
ବର୍ତ୍ତମାନ କର୍ମଚାରୀଙ୍କୁ ନିଜ ପକେଟରୁ ଏହି କ୍ଷତି ଭରଣା କରିବାକୁ ନିର୍ଦ୍ଦେଶ ଦିଆଯାଇଛି । କର୍ମଚାରୀଙ୍କ ଭୁଲ୍ ଯୋଗୁଁ ମନ୍ଦିରକୁ ୨.୯୧ ଲକ୍ଷ ଟଙ୍କା କ୍ଷତି ସହିବାକୁ ପଡ଼ିଛି ।
