ଗାନ୍ଧୀନଗର: ଆମେରିକାରେ ଗୁଜୁରାଟର ବାସିନ୍ଦାଙ୍କୁ ଗୁଳି କରି ହତ୍ୟା । ଗୁଜରାଟର ଆନନ୍ଦ ଜିଲ୍ଲାର ବାସିନ୍ଦା ଆମେରିକାର ଆଟଲାଣ୍ଟିକ୍ ସହରରେ ରହୁଥିଲେ। ସେଠାରେ ତାଙ୍କୁ ଗୁଳି କରି ହତ୍ୟା କରାଯାଇଥିବା ବେଳେ ଏହି ଆକ୍ରମଣରେ ତାଙ୍କ ପତ୍ନୀ ଏବଂ ଝିଅ ମଧ୍ୟ ଗୁରୁତର ଆହତ ହୋଇଛନ୍ତି । ତେବେ ମୃତକ ପିନାଲ ପଟେଲ ହୋଇଥିବା ଏହି ଗୁଳିକାଣ୍ଡରେ ତାଙ୍କ ପତ୍ନୀ ରୂପାଲ ଏବଂ ଝିଅ ଭକ୍ତି ପଟେଲ ଆହତ ହୋଇଥିବା ଜଣାପଡିଛି ।
ସୂଚନା ଅନୁଯାୟୀ, ଶନିବାର ଅପରାହ୍ନ ପ୍ରାୟ 1ଟା ସମୟରେ ପଟେଲ ଏବଂ ତାଙ୍କ ପରିବାର ଘରକୁ ଫେରିଥିଲେ । ଯେତେବେଳେ ପିନାଲ୍ ଘରେ ପ୍ରବେଶ କରିଥଲେ ତା ପୂର୍ବରୁ ହିଁ ଆକ୍ରମଣକାରୀମାନେ ଘର ଭିତରେ ଥିଲେ । ଏନେଇ ପିନାଲ ସେମାନଙ୍କୁ ଘରୁ ଯିବାକୁ କହିଥିଲେ କିନ୍ତୁ ଆକ୍ରମଣକାରୀମାନେ ତାଙ୍କ ଉପରକୁ ଗୁଳି ଚଳାଇଥିଲେ । ସେମାନେ ପିନାଲଙ୍କ ଉପରେ 10ଟି ଗୁଳି ଚଳାଇଥିବା ବେଳେ ତାଙ୍କ ପତ୍ନୀ ଏବଂ ଝିଅ ମଧ୍ୟ ଗୁଳିକାଣ୍ଡରେ ଆହତ ହୋଇଥିଲେ । ଅନ୍ୟପଟେ ପିନାଲଙ୍କ ଝିଅ ଭକ୍ତି ନିଜେ ଆହତ ହୋଇଥିଲେ ମଧ୍ୟ ପିନାଲଙ୍କ ରକ୍ତସ୍ରାବ ବନ୍ଦ କରିବା ପାଇଁ ତାର ସ୍ବେଟରରେ କ୍ଷତ ସ୍ଥାନକୁ ବାନ୍ଧିଥିଲେ । ହେଲେ ଦୁର୍ଭାଗ୍ୟବଶତଃ ପିନାଲ ଘଟଣା ସ୍ଥଳରେ ହିଁ ମୃତ୍ୟୁବରଣ କରିଥିଲେ ।
ଏନେଇ ଭକ୍ତି ନିଜର ମାମୁଁ ସଞ୍ଜୀବ କୁମାରଙ୍କୁ ଘଟଣା ବିଷୟରେ ଜଣାଇବା ପରେ ପୋଲିସକୁ ସୂଚନା ଦେଇଥିଲେ । ସେହିପରି ଆହାତ ହୋଇଥିବା ପିନାଲଙ୍କ ପତ୍ନୀ ଓ ଝିଅ ବର୍ତ୍ତମାନ ସୁସ୍ଥ ଥିବା ଜଣାପଡିଛି । ସେହିପରି ଭଦୋଦରା ସ୍ବାମୀନାରାୟଣ ମନ୍ଦିରରେ ପିନାଲ୍ ପଟେଲଙ୍କ ଆତ୍ମାର ଶାନ୍ତି ପାଇଁ ପୂଜା କରାଯାଇଛି । ଏହା ବ୍ୟତୀତ ଗୁରୁ ଘନଶ୍ୟାମ ପ୍ରକାଶ ସ୍ବାମୀଙ୍କ ଘରେ ପିନାଲ୍ ପଟେଲଙ୍କ ଶେଷ ରୀତିନୀତି କରାଯିବ ।
ବ୍ୟୁରୋ ରିପୋର୍ଟ , ଇଟିଭି ଭାରତ
