ଚଣ୍ଡିଗଡ: 2022 ରେ ପଞ୍ଜାବ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଥିବାବେଳେ ବଡ ଘୋଷଣା କରିଛନ୍ତି ଚାଷୀ । 22 ଟି ୟୁନିଅନକୁ ନେଇ ଏକ ନୂଆ ସଂଯୁକ୍ତ ସମାଜ ମୋର୍ଚ୍ଚା (Samyukta Samaj Morcha) ଗଠନ କରାଯାଇଥିବା ବେଳେ ଏହି ମିଳିତ ମୋର୍ଚ୍ଚା ଚଳିତ ବିଧାନସଭା ନିର୍ବାଚନରେ ପ୍ରତିଦ୍ବନ୍ଦ୍ବୀତା କରିବ ବୋଲି ଘୋଷଣା କରିଛି ।
କୃଷକ ନେତା ବଲବୀର ସିଂ ରାଜୱାଲ ଆଜି ଏ ସମ୍ପର୍କରେ ସ୍ପଷ୍ଟ ଘୋଷଣା କରି କହିଛନ୍ତି, ଆମକୁ ପଞ୍ଜାବର ବ୍ୟବସ୍ଥା ପରିବର୍ତ୍ତନ କରିବାକୁ ପଡିବ । ତେଣୁ ଏହି ନୂତନ ମୋର୍ଚ୍ଚା ମାଧ୍ୟମରେ ଆମେ ନିର୍ବାଚନୀ ମୈଦାନରେ ଓହ୍ଲାଇବାକୁ ଯାଉଛୁ । ଏଥିସହ ସେ ଏହି ମୋର୍ଚ୍ଚାକୁ ସମର୍ଥନ କରିବାକୁ ମଧ୍ୟ ପଞ୍ଜାବବାସୀଙ୍କୁ ନିବେଦନ ମଧ୍ୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
