ମୁମ୍ବାଇ: ମହାରାଷ୍ଟ୍ର ମୁମ୍ବାଇର ଗୋଭାଣ୍ଡି ଶିବାଜୀ ନଗରରେ ଅଭାବନୀୟ ଘଟଣା । ଏକ କୋଠା ଭୁଶୁଡି ପଡିବାରୁ ୧୦ ଜଣ ଆହତ ହୋଇଛନ୍ତି । ତେବେ ଚିକିତ୍ସାଧିନ ଅବସ୍ଥାରେ ୩ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି ।
ତେବେ ମୁମ୍ବାଇରେ ଏଭଳି ଘଟଣା ଘଟିଥିବା ନେଇ ସୂଚନା ଦେଇଛି ମୁମ୍ବାଇ ପୋଲିସ । ଏଥିରେ ଆହତ ୧୦ ଜଣଙ୍କୁ ରାଜଓ୍ବାଡି ଏବଂ ସିଅନ ହସ୍ପିଟାଲରେ ମ୍ୟୁନିସିପାଲ କର୍ପୋରେସନ ଭର୍ତ୍ତି କରିଥିଲା କିନ୍ତୁ ଚିକିତ୍ସାଧିନ ଅବସ୍ଥାରେ ୩ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ତେବେ କୋଠାଟି କାହିଁକି ଓ କେଉଁ ପରିସ୍ଥିତିରେ ଭୁଶୁଡିଲା ସେନେଇ ପୋଲିସ ଅଧିକ ତଦନ୍ତ ଜାରୀ ରଖିଛି । ମୃତ୍ୟୁ ସଂଖ୍ୟା ବଢିବା ନେଇ ଆଶଙ୍କା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
