ମୁମ୍ବାଇ: ମହାରାଷ୍ଟ୍ର ପାଲଘର ଜିଲ୍ଲା କୋଭିଡ ହସ୍ପିଟାଲରେ ଅଘଟଣ । ଭସାଇ କୋଭିଡ ମେଡିକାଲରେ ଗତକାଲି ମଧ୍ୟରାତ୍ରୀରେ ଭୟାବହ ଅଗ୍ନିକାଣ୍ଡରେ 14 କୋଭିଡ ରୋଗୀଙ୍କ ମୃତ୍ୟୁ ଘଟିଛି ।
ବିରାରରେ ଥିବା ବିଜୟ ବଲ୍ଲଭ ହସ୍ପିଟାଲର ଆଇସିୟୁରେ ସର୍ଟସର୍କିଟରୁ ଏହି ଅଗ୍ନିକାଣ୍ଡ ଘଟିଛି । ବିଳମ୍ବିତ ରାତିରେ ହୋଇଥିବା ଏହି ଅଗ୍ନିକାଣ୍ଡ ଘଟଣାରେ ମୃତ୍ୟୁ ସଂଖ୍ୟା 14କୁ ବୃଦ୍ଧି ପାଇଛି । ଏହାସହ ପ୍ରଭାବିତ ରୋଗୀଙ୍କୁ ନିକଟସ୍ଥ ମେଡିକାଲକୁ ସ୍ଥାନାନ୍ତର କରାଯାଇଛି । ତେବେ ନିକଟରେ ମହାରାଷ୍ଟ୍ରର ଜାକିର ହୁସେନ ହସ୍ପିଟାଲରେ ଅକ୍ସିଜେନ ଟ୍ୟାଙ୍କରରେ ଲିକ ଘଟଣାରେ 24 ଜଣଙ୍କ ମୃତ୍ୟୁ ହୋଇଥିଲା।
ବ୍ୟୁରୋ ରିପୋର୍ଟ, ଇଟିଭି ଭାରତ
