ଡେରାଡୁନ: ଉତ୍ତରାଖଣ୍ଡରେ ଜାରି ରହିଛି ମୌସୁମୀଜନିତ ବର୍ଷା । ଗତ କିଛିଦିନ ଧରି ଲଗାତାର ବର୍ଷା ପରେ ସାରା ରାଜ୍ୟର ବିଭିନ୍ନ ସ୍ଥାନରେ ଯାତାୟତରେ ବାଧାପ୍ରାପ୍ତ ହୋଇଛି । ବର୍ତ୍ତମାନ ସୁଦ୍ଧା ରାଜ୍ୟରେ ଏକାଧିକ ରାଜପଥ ସହ ଅନେକ ରାସ୍ତା ବନ୍ଦ ହୋଇଯାଇଛି । ରାଜ୍ୟ ବିପର୍ଯ୍ୟୟ ନିୟନ୍ତ୍ରଣ କକ୍ଷରୁ ମିଳିଥିବା ସୂଚନା ଅନୁଯାୟୀ, ଅଗଷ୍ଟ 29ରେ ଅପରାହ୍ନ 5.30 ପର୍ଯ୍ୟନ୍ତ ରାଜ୍ୟରେ 82ଟି ଛୋଟ ଏବଂ ପ୍ରମୁଖ ରାସ୍ତା ବନ୍ଦ ରହିଛି । ସେଗୁଡିକରେ ଯାତାୟତ ସ୍ବାଭାବିକ କରିବା ପାଇଁ ପ୍ରକ୍ରିୟା ଜାରି ରଖିଛି ପ୍ରଶାସନ।
ଚମୋଲି ଜିଲ୍ଲାର ରିଷିକେଶ-ବଦ୍ରିନାଥ ଜାତୀୟ ରାଜପଥ NH-58 ଭୂସ୍ଖଳନ ଓ ଆବର୍ଜନା କାରଣରୁ ତାପୋବନ ଏବଂ ମାଲେଥାର 2ଟି ସ୍ଥାନରେ ବନ୍ଦ ରହିଛି । ଯାହାର ବିକଳ୍ପ ମାର୍ଗ ଭାବେ ନୂଆ ତେହେରୀରୁ ଶ୍ରୀନଗର ରାସ୍ତା ବ୍ୟବହାର କରିବା ପାଇଁ ପ୍ରଶାସନ ବ୍ୟବସ୍ଥା କରିଛି । ସେହିପରି ତୋମାକ ନାଲା-ଜୁମ୍ମାରେ ବାରମ୍ବାର ଭୂସ୍ଖଳନ ଫଳରେ ଆବର୍ଜନା ଗଦାହେବା କାରଣରୁ ଜୋସିମାଥ-ମାଲାରି ଷ୍ଟେଟ ରୋଡରେ ଜାତାୟାତ ବନ୍ଦ ରହିଛି । ଏହା ବ୍ୟତୀତ ଚାମୋଲି ଜିଲ୍ଲାର 14ଟି ଗ୍ରାମୀଣ ରାସ୍ତା ମଧ୍ୟ ଯାତାୟାତରେ ବନ୍ଦ ରହିଥିବା ପ୍ରଶାସନ ପକ୍ଷରୁ କୁହାଯାଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
