ଲକ୍ଷ୍ନୌ: ଦରଦାମ ପ୍ରଭାବରେ ବଢୁଛି ପେନସିଲ ଓ ମ୍ୟାଗିର ଦାମ । ଯାହାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛନ୍ତି ଜଣେ ପ୍ରଥମ ଶ୍ରେଣୀରେ ପଢୁଥିବା ଛାତ୍ରୀ । ଏହି କୁନି ଝିଅଜଣଙ୍କ ହେଉଛନ୍ତି ଉତ୍ତର ପ୍ରଦେଶର କନୌଜ ଜିଲ୍ଲାର 6 ବର୍ଷୀୟା ଖୁସି ଦୁବେ । ଚିଠିରେ ଦରଦାମ କିପରି ତାଙ୍କୁ ପ୍ରଭାବିତ କରିଛି ତାହା ପ୍ରଧାନମନ୍ତ୍ରୀଙ୍କୁ ଅବଗତ କରିବା ପାଇଁ ପେନସିଲ, ରବର ଓ ମ୍ୟାଗି ଦମ ବଢୁଥିବା ଯୋଗୁଁ ସେ ପ୍ରଭାବିତ ହୋଇଥିବା ଚିଠିରେ ଉଲ୍ଲେଖ କରିଛନ୍ତି ।
ଖୁସି ନିଜ ଚିଠିରେ ଉଲ୍ଲେଖ କରିଛନ୍ତି, ''ଅନ୍ୟ ସାମଗ୍ରୀ ସହ ପେନସିଲ, ରବର ଦାମ ବଢୁଛି । ଏବେ ପେନସିଲ ଖଣ୍ଡେ ମାଗିଲେ ମାଆ ବିରକ୍ତ ହେଉଛନ୍ତି । ଅନ୍ୟ ପିଲାମାନେ ମଧ୍ୟ ମୋ ପେନସିଲ ଚୋରାଇ ନେଉଛନ୍ତି । ତେବେ ଏପରି ହେଲେ ମୁଁ କଣ କରିବି ?" ତେବେ ଖୁସି ଲେଖିଥିବା ଏହି ହିନ୍ଦି ଚିଠିଟି ଏବେ ଭାଇରାଲ ହେବାରେ ଲାଗିଛି । ଖୁସିର ବାପା ଭିସାଲ ଦୁବେ ଜଣେ ଆଇନଜୀବୀ ।
ଝିଅର ଏପରି କାର୍ଯ୍ୟରେ ସେ ଖୁସି ପ୍ରକାଶ କରିବା ସହ ଏହା ତାର ମନ କି ବାତ ବୋଲି ମଧ୍ୟ କହିଛନ୍ତି । ସେହିପରି ଏହି ପ୍ରସଙ୍ଗ ମଧ୍ୟ ଜିଲ୍ଲା ପ୍ରଶାସନ ପାଖରେ ପହଞ୍ଚିଛି । ସୋସିଆଲ ମିଡିଆରୁ ଏପରି ଖବର ପାଇଥିବା ସ୍ଥାନୀୟ SDM ସୂଚନା ଦେବା ସହ ସେ ଏହି କୁନି ଛାତ୍ରୀଙ୍କୁ ସହଯୋଗ ଯୋଗାଇ ଦେବା ନେଇ କହିଛନ୍ତି ।
