କୋଲକାତା: ଗୋଟିଏ ପରିବାରର 5 ସଦସ୍ୟଙ୍କ ମୃତଦେହ ଉଦ୍ଧାର । ପଶ୍ଚିମବଙ୍ଗ ଦିନଜପୁର ତପନ ପୋଲିସ ଷ୍ଟେସନ ନିକଟସ୍ଥ ଜମଲପୁରରେ ଗୋଟିଏ ଘରୁ 5 ଜଣ ସଦସ୍ୟଙ୍କ ମୃତଦେହ ଉଦ୍ଧାର ହୋଇଛି ।
ସୂଚନା ଅନୁଯାୟୀ, ରବିବାର ସକାଳେ ପଡୋଶୀ ଘଟଣା ସମ୍ପର୍କରେ ଜାଣି ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲେ ।
ପୋଲିସର ସୂଚନା ଅନୁଯାୟୀ, ଉକ୍ତ ପରିବାରର ଜଣେ ସଦସ୍ୟ 4 ଜଣଙ୍କୁ ହତ୍ୟା କରିବା ପରେ ସେ ନିଜେ ଆତ୍ମହତ୍ୟା କରିଛନ୍ତି । ତେବେ ଏଭଳି ଚରମ ପଦକ୍ଷେପ ପଛର କାରଣ ଏବେସୁଦ୍ଧା ଅସ୍ପଷ୍ଟ ରହିଛି । ପୋଲିସ ଉକ୍ତ ପରିବାରର ସମ୍ପର୍କୀୟଙ୍କୁ ପଚରା ଉଚରା ଜାରି ରଖି ତଦନ୍ତ ଚଳାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
