ଲକ୍ଷ୍ନୌ: ଚାହୁଁ ଚାହୁଁ ଚାଲିଗଲା ୫ ଜୀବନ । ଆଉ ମରଣ ମୁହଁରୁ ବର୍ତ୍ତି ଯାଇଛନ୍ତି ୨ ଜଣ । ଏଭଳି ଏକ ଅଘଟଣ ଘଟିଛି ଉତ୍ତରପ୍ରଦେଶର ମାଉରେ । ୨ ଜଣଙ୍କୁ ଉଦ୍ଧାର କରାଯାଇ ମେଡିକାଲରେ ପ୍ରାଥମିକ ଚିକିତ୍ସା ପାଇଁ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ଛତିଶଗଡରୁ ଅଭିମୁଖେ ଏକ କାରର ଗୋଟିଏ ପରିବାରର ୭ ଜଣ ଉତ୍ତର ପ୍ରଦେଶର ଗୋରଖପୁରକୁ କୈଣସି ଏକ କାମ ପାଇଁ ଯାତ୍ରା କରୁଥିଲେ । ହେଲେ ଉତ୍ତର ପ୍ରଦେଶର ମାଉରେ କାରଟି ନିୟନ୍ତ୍ରଣ ହରାଇ ରାସ୍ତା କଡକୁ ଓଲଟି ପଡିଥିଲା । ଫଳରେ ଘଟଣାସ୍ଥଳରେ ୫ ଜଣଙ୍କର ମୃତ୍ୟୁ ଘଟିଥିଲା । ଘଟଣାସ୍ଥଳରେ ପୋଲିସ ପହଞ୍ଚି ୨ ଜଣଙ୍କୁ ଉଦ୍ଧାର କରି ମଡିକାଲରେ ଭର୍ତ୍ତି କରିଥିଲା । ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇ ତଦନ୍ତ ଜାରି ରଖିଛି ।
@ANI
