ମୁମ୍ବାଇ: ମହାରାଷ୍ଟ୍ର ଥାନେ ଜିଲ୍ଲା ଉଲ୍ଲାସ ନଗରରେ ଭୁଷୁଡିଲା କୋଠାର ଗୋଟିଏ ଭାଗ । ଘଟଣାସ୍ଥଳରୁ 4 ଜଣଙ୍କ ମୃତଦେହ ଉଦ୍ଧାର । 9 ଜଣ ଆହତ । ଅଗ୍ନିଶମ ବାହିନୀର ଉଦ୍ଧାର କାର୍ଯ୍ୟ ଜାରି ।
ଶନିବାର ମଧ୍ୟାହ୍ନରେ ଉଲ୍ଲାସ ନଗର କ୍ୟାମ୍ପ ପରିସରରେ ଥିବା ମୋହିନୀ ପ୍ୟାଲେସର ଚତୁର୍ଥ ମହଲା ସ୍ଲାବ ଭୁଷୁଡି ପଡିଛି । ଏଥିରେ 4 ଜଣଙ୍କ ମୃତ୍ୟୁ ଘଟିଥିବାବେଳେ ଏବେ ବି କେତେକ ନିଖୋଜ ଅଛନ୍ତି । ଘଟଣାରେ 9 ଜଣ ଆହତ ହୋଇଥିବାବେଳେ ସେମାନଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି । ଅଗ୍ନିଶମ ବାହିନୀ ବିଲ୍ଡିଂର ଭଗ୍ନାବଶେଷ ବା ଅଳିଆ ଆବର୍ଜନା ସଫା କରି ଉଦ୍ଧାର କାର୍ଯ୍ୟ ଜାରି ରଖିଛି । ସେହି ବିଲ୍ଡିଂରେ ପ୍ରାୟ 19ଟି ପରିବାର ରହୁଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
