ନୂଆଦିଲ୍ଲୀ: କେନ୍ଦ୍ର କ୍ୟାବିନେଟ ସମ୍ପ୍ରସାରଣରେ ସାମିଲ ହୋଇଥିବା ସମସ୍ତ 39 ନୂତନ ମନ୍ତ୍ରୀ ୩ ଦିନିଆ ଜନ ଆଶୀର୍ବାଦ ଯାତ୍ରାରେ ସାମିଲ ହେବେ । ଏହି ଯାତ୍ରାରେ ମୋଟ 195ଟି ଲୋକସଭା ନିର୍ବାଚନ ମଣ୍ଡଳୀ ପରିଦର୍ଶନ କରିବ ଏହି ଟିମ ।
ଗଣମାଧ୍ୟମକୁ ସମ୍ବୋଧିତ କରି ଭାରତୀୟ ଜନତା ପାର୍ଟିର ଜାତୀୟ ସାଧାରଣ ସମ୍ପାଦକ ତଥା ସଂଯୋଜକ ତରୁଣ ଚୁଗ କହିଛନ୍ତି, ମନ୍ତ୍ରୀ ପରିଷଦରେ ନୂତନ ଭାବେ ସାମିଲ ହୋଇଥିବା 39 ଜଣ ମନ୍ତ୍ରୀ ୩ ଦିନିଆ 19ଟି ରାଜ୍ୟରେ ଜନ ଆଶୀର୍ବାଦ ଯାତ୍ରା କରିବେ। ସମସ୍ତ 39 ମନ୍ତ୍ରୀ ମିଳିତ ଭାବରେ 19,567 କିଲୋମିଟର, 195 ଲୋକସଭା ନିର୍ବାଚନମଣ୍ଡଳୀ ଏବଂ ଦେଶର 265ଟି ଜିଲ୍ଲାକୁ ଅତିକ୍ରମ କରିବେ । ନୂତନ ଭାବେ ନିଯୁକ୍ତ 39 ମନ୍ତ୍ରୀ ନିଜ ନିଜ ଗୃହ ନିର୍ବାଚନ ମଣ୍ଡଳୀରେ ପହଞ୍ଚିବା ପୂର୍ବରୁ ୩ଟି ଲୋକସଭା ଏବଂ ନିଜ ରାଜ୍ୟର ୪ଟି ଜିଲ୍ଲାକୁ ଯାତ୍ରା କରିବା ପରେ ନିଜର ଗୃହ ଲୋକସଭା ନିର୍ବାଚନ କ୍ଷେତ୍ରରେ ପହଞ୍ଚିବେ ବୋଲି ସେ ସୂଚନା ଦେଇଛନ୍ତି ।
ଆର୍ଶୀବାଦ ଯାତ୍ରାର ସବିଶେଷ ତଥ୍ୟ ଦେଇ ଚୁଗ କହିଛନ୍ତି ଯେ ରାଷ୍ଟ୍ରପାହ୍ୟାର ମନ୍ତ୍ରୀମାନେ ଅଗଷ୍ଟ 16, 17 ଏବଂ 18ରେ ଯାତ୍ରା କରିବାକୁ ସ୍ଥିର କରାଯାଇଥିବାବେଳେ କ୍ୟାବିନେଟ ମନ୍ତ୍ରୀମାନେ ଅଗଷ୍ଟ 19, 20 ଏବଂ 21ରେ ଯାତ୍ରା ଆରମ୍ଭ କରିବେ । ଜନ ଆଶୀର୍ବାଦ ଯାତ୍ରା କାର୍ଯ୍ୟକ୍ରମର ବିଚାର ବିଜେପି ମୁଖ୍ୟ ଜେପି ନଡ୍ଡାଙ୍କ ଦ୍ବାରା ଆରମ୍ଭ କରାଯାଇଥିବା ବେଳେ ଦଳର ଜାତୀୟ ଉପାଧ୍ୟକ୍ଷ ଏମ ଚୁବା, ଚଗ୍ ଏବଂ ଜାତୀୟ ସଚିବ ଅରବିନ୍ଦ ମେନନ୍, ବିନୋଦ ସୋନକର, ସୁନୀଲ ଦେଓଧରଙ୍କ,ସତ୍ୟ କୁମାର ଏବଂ ପଙ୍କଜା ମୁଣ୍ଡେଙ୍କ ସମେତ ଦଳୀୟ ମୁଖ୍ୟାଳୟ କାର୍ଯ୍ୟକର୍ତ୍ତାଙ୍କ ମଧ୍ୟ ଏଥିରେ ପରାମର୍ଶ ରହିଛି ।
ସେହିପରି ବିଜେପି ଶାସିତ ରାଜ୍ୟ ଗୁଡିକର ମୁଖ୍ୟମନ୍ତ୍ରୀ ଉପ-ମୁଖ୍ୟମନ୍ତ୍ରୀ ତଥା ସାଂସଦ, ବିଧାୟକ, ରାଜ୍ୟ ୟୁନିଟ୍ ସଭାପତି, କାର୍ଯ୍ୟାଳୟର ଅଧିକାରୀ, ସ୍ଥାନୀୟ ସଂସ୍ଥାର ନିର୍ବାଚିତ ପ୍ରତିନିଧିମାନେ ମଧ୍ୟ ଏହି ଯାତ୍ରାରେ ଅଂଶଗ୍ରହଣ କରିବେ ବୋଲି ମଧ୍ୟ ଅରୁଣ ସୂଚନା ଦେଇଛନ୍ତି ।
ଚୁଗ ଆହୁରି ମଧ୍ୟ କହିଛନ୍ତି, କ୍ୟାବିନେଟ୍ ପୁନଃଗଠନ ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମାଜର ସମସ୍ତ ଅଞ୍ଚଳ ତଥା ବର୍ଗକୁ ଉଚିତ ପ୍ରତିନିଧିତ୍ବ ଦେଇଛନ୍ତି । ଦେଶର ସମ୍ପୂର୍ଣ୍ଣ ବିକାଶ ପାଇଁ ପ୍ରଧାନମନ୍ତ୍ରୀଙ୍କର ଏପରି ଦୃଷ୍ଟିଭଙ୍ଗୀ ବେସ ଗୁରୁତ୍ବପୂର୍ଣ୍ଣ ବୋଲି ମଧ୍ୟ ସେ ସୂଚନା ଦେଇଛନ୍ତି ।
ସେହିପରି ବିରୋଧୀଙ୍କୁ ସେ ସମାଲୋଚନା କରି କହିଛନ୍ତି, ବର୍ତ୍ତମାନ ଏହି ମନ୍ତ୍ରୀମାନେ ଯାତ୍ରା କରି ଲୋକଙ୍କଠାରୁ ଆଶୀର୍ବାଦ ଗ୍ରହଣ କରିବେ । 2014ରୁ 26 ମେ’ ମୋଦି ସରକାର ହାତକୁ ନେଇଥିବା ବିକାଶ ତଥା କଲ୍ୟାଣମୂଳକ ପଦକ୍ଷେପ ସମ୍ପର୍କରେ ମନ୍ତ୍ରୀମାନେ ଦେଶବାସୀଙ୍କ ସାମ୍ନାରେ ତଥ୍ୟ ଉପସ୍ଥାପନ କରିବେ ବୋଲି ମଧ୍ୟ ସେ ସୂଚନା ଦେଇଛନ୍ତି ।
@IANS
