ଚଣ୍ଡିଗଡ଼: ବିଦେଶ ଯିବା ପ୍ରାୟ ପ୍ରତ୍ୟେକ ନାଗରିକଙ୍କ ସ୍ବପ୍ନ ରହିଥାଏ । ଭାରତୀୟମାନେ ଆମେରିକା, ଅଷ୍ଟ୍ରେଲିଆ, ଇଂଲଣ୍ଡ, ଦୁବାଇ ଭଳି ଦେଶକୁ ଯିବା ଲାଗି ଆଖିରେ ସ୍ବପ୍ନ ଭରିଥାନ୍ତି । ଲୋକେ ନିଜ ସହିତ ପାଳିତ କୁକୁରଙ୍କୁ ମଧ୍ୟ ବିଦେଶ ନିଅନ୍ତି । ହେଲେ ପଞ୍ଜାବ ଅମୃତସରରେ କାନାଡା ଯିବେ ବୁଲା କୁକୁର । ଆଜ୍ଞା ହଁ, ବିଦେଶ ଯିବେ ବୁଲା କୁକୁର । ଏହି ବୁଲା କୁକୁରଙ୍କ ଲାଗି ପାସପୋର୍ଟ ଆବେଦନ ମଧ୍ୟ କରାଯାଇଛି । ଆକାଶରେ ଉଡ଼ି କାନାଡା ଯିବେ ଭାରତୀୟ ବୁଲା କୁକୁର । ପଶୁ କଲ୍ୟାଣ ଏବଂ କେୟାର ସୋସାଇଟିର ଡକ୍ଟର ନବନୀତ କୌର ଲିଲି ଏବଂ ଡେଜି ନାମକ ଦୁଇଟି ବୁଲା କୁକୁରଙ୍କୁ ନେଇ କାନାଡା ଗସ୍ତ କରିବେ ।
ଏ ବିଷୟରେ ଆମକୁ ଅଧିକ ସୂଚନା ଦେଇଛନ୍ତି ପଶୁ କଲ୍ୟାଣ ଏବଂ କେୟାର ସୋସାଇଟିର ଡକ୍ଟର ନବନୀତ କୌର । ତାଙ୍କ କହିବା ଅନୁସାରେ ଅମୃତସରର 2ଟି ବୁଲା କୁକୁର ଲିଲି ଏବଂ ଡେଜିଙ୍କୁ ସାଙ୍ଗରେ ନେଇ ସେ କାନାଡାକୁ ଯାଉଛନ୍ତି । ସେ କହିଛନ୍ତି ଯେ କାନାଡାର ଜଣେ ମହିଳା ବ୍ରେଣ୍ଡା ଲିଲି ଏବଂ ଡେଜିଙ୍କୁ ପୋଷ୍ୟ ଭାବେ ଗ୍ରହଣ କରିଛନ୍ତି ଏବଂ ସେଥିପାଇଁ ସେ ଏହି କୁକୁରମାନଙ୍କୁ ସାଙ୍ଗରେ ନେବା ପାଇଁ ସମସ୍ତ କାଗଜପତ୍ର ପ୍ରସ୍ତୁତ କରି ରଖୁଛନ୍ତି । ଏହାପୂର୍ବରୁ ସେ 6ଟି କୁକୁରକୁ ବିଦେଶକୁ ନେଇଛନ୍ତି । ସେମାନଙ୍କ ମଧ୍ୟରୁ 2ଟି ଆମେରିକାରେ ରହୁଛନ୍ତି । ଡକ୍ଟର ନବନୀତ ନିଜେ ଆମେରିକାରେ ରହୁଥିବା ବେଳେ ଅମୃତସରରେ ମଧ୍ୟ ତାଙ୍କର ଏକ ଘର ଥିବା ସେ କହିଛନ୍ତି ।
ଏହା ବି ପଢନ୍ତୁ- 5 ବର୍ଷର ଶିଶୁକନ୍ୟାକୁ ଝୁଣି ଖାଇଲେ ବୁଲା କୁକୁର
ସେ କହିଛନ୍ତି ଯେ, 2020 ମସିହାରେ ଯେତେବେଳେ ସମଗ୍ର ବିଶ୍ବରେ ଲକଡାଉନ ସ୍ଥିତି ଉପୁଜିଥିଲା, ସେତେବେଳେ ସେ ପଶୁ କଲ୍ୟାଣ ଏବଂ କେୟାର ସୋସାଇଟି (AWCS) ସଂଗଠନ ଗଠନ କରିଥିଲେ । ସୁଖବିନ୍ଦର ସିଂ ଜଲି ଅମୃତସରରେ ଏହି ସଂଗଠନର ଦାୟିତ୍ବ ଗ୍ରହଣ କରିଛନ୍ତି ଏବଂ ସଂଗଠନର କାର୍ଯ୍ୟ ତୁଲାଇ ଆସୁଛନ୍ତି । ଡକ୍ଟର ନବନୀତ କହିଛନ୍ତି ଯେ ଏହି କୁକୁରମାନେ ଗତ 1 ମାସ ଧରି ସେମାନଙ୍କ ସହ ରହିଆସୁଛନ୍ତି । ଲିଲି ଏବଂ ଡେଜିଙ୍କ ସ୍ବାସ୍ଥ୍ୟବସ୍ଥା ଅତ୍ୟନ୍ତ ଖରାପ ରହିଥିଲା । ଏହାପରେ ସେମାନଙ୍କୁ ଚିକିତ୍ସା କରାଯାଇଥିଲା ଏବଂ ସେମାନଙ୍କ ଲାଗି ଉପଯୁକ୍ତ ଘର ଖୋଜିବା ଆରମ୍ଭ ହୋଇଥିଲା ବୋଲି ଡ. ନବନୀତ କହିଛନ୍ତି ।
ଏହି କୁକୁରମାନେ କାନାଡା ପାଇଁ ବିଦେଶୀ ନିଶ୍ଚିତ । ହେଲେ ଆମେ ବୁଲା କୁକୁରଙ୍କ ପାଇଁ ଥିବା ଚିନ୍ତାଧାରାକୁ ପରିବର୍ତ୍ତନ କରିବା ଆବଶ୍ୟକ ବୋଲି କହିଛନ୍ତି ଡକ୍ଟର ନବନୀତ । "ବୁଲା କୁକୁରମାନଙ୍କ ପାଇଁ ଆମର ଚିନ୍ତାଧାରାକୁ ମଧ୍ୟ ପରିବର୍ତ୍ତନ କରିବାକୁ ପଡିବ । ଆମେ ଆମର ଗଳି କୁକୁରମାନଙ୍କୁ ଗ୍ରହଣ କରୁନାହୁଁ ଏବଂ ସେମାନଙ୍କୁ ଦେଶବାସୀ ଭାବରେ ବ୍ୟବହାର କରୁନାହୁଁ । ଏହି କୁକୁରମାନେ କାନାଡାରେ ସେମାନଙ୍କ ପାଇଁ ବିଦେଶୀ । ସେମାନେ ଖୁସିରେ ସେମାନଙ୍କୁ ଗ୍ରହଣ କରିବାକୁ ଚାହାଁନ୍ତି । କାରଣ ଭାରତର ଏହି କୁକୁର ପ୍ରଜାତି ଅଧିକ ବନ୍ଧୁତ୍ବପୂର୍ଣ୍ଣ ଏବଂ ଯତ୍ନଶୀଳ ହୋଇଥାନ୍ତି ।"
