ହାଇଦ୍ରାବାଦ: ଗ୍ରୀନପିସ ଦକ୍ଷିଣ ପୂର୍ବ ଏସିଆର ବିଶ୍ଲେଷଣ ଅନୁଯାୟୀ, PM 2.5 ବାୟୁ ପ୍ରଦୂଷଣ ସ୍ତରରେ 2020ରେ ଭାରତ ରାଜଧାନୀରେ ପ୍ରାୟ 54,000 ଲୋକଙ୍କ ଜୀବନ ନେଇଛି । ସର୍ବଭାରତୀୟ ସ୍ତରରେ ପ୍ରାୟ 160,000 ମୃତ୍ୟୁ ଘଟିଛି। ପାଞ୍ଚଟି ଜନବହୁଳ ସହରରେ PM2.5 ବାୟୁ ପ୍ରଦୂଷଣ ସ୍ତର ।
ଏକ ଅନଲାଇନ୍ ଉପକରଣ, ଯାହା ବିଶ୍ବର ପ୍ରମୁଖ ସହର ଗୁଡିକରେ ବାୟୁ ପ୍ରଦୂଷଣର ପ୍ରକୃତ ସମୟର ସ୍ବାସ୍ଥ୍ୟ ପ୍ରଭାବ ଏବଂ ଅର୍ଥନୈତିକ ଖର୍ଚ୍ଚକୁ ଟ୍ରାକ୍ କରିଥାଏ । ବାୟୁ ପ୍ରଦୂଷଣ ସମ୍ବନ୍ଧୀୟ ମୃତ୍ୟୁ ଅର୍ଥନୀତିରେ ଏହାର ପ୍ରଭାବ ଦେଖାଇବାକୁ ଗ୍ରୀନପିସ୍ ଦ୍ବାରା ବ୍ୟବହୃତ ପଦ୍ଧତିକୁ ‘willingness-to-pay’ କୁହାଯାଏ । ଲକଡାଉନ୍ ହେତୁ ବାୟୁ ଗୁଣବତ୍ତାରେ ଏକ ଅସ୍ଥାୟୀ ପ୍ରତିକାର ସତ୍ତ୍ବେ ରିପୋର୍ଟର ସର୍ବଶେଷ ଆକଳନ ତୁରନ୍ତ ପ୍ରଦୂଷଣ ବିରୋଧରେ କାର୍ଯ୍ୟ କରିବାର ଆବଶ୍ୟକତାକୁ ଦର୍ଶାଉଛି ।
ବାୟୁ ପ୍ରଦୂଷଣ ସମ୍ବନ୍ଧୀୟ ଅର୍ଥନୈତିକ କ୍ଷତି 8.1 ବିଲିୟନ ଡଲାର୍ (58,895 କୋଟି) ରହିଛି, ଯାହା ଦିଲ୍ଲୀର ବାର୍ଷିକ ଜିଡିପିର 13 ପ୍ରତିଶତ ଅଟେ। ଦିଲ୍ଲୀର ବାୟୁ ପ୍ରଦୂଷକ ସ୍ତର ନିର୍ଦ୍ଧିଷ୍ଟ 10 μg / m3 ବାର୍ଷିକ ହାରାହାରିଠାରୁ ପ୍ରାୟ ଛଅ ଗୁଣ ଅଧିକ ରହିଥିଲା ।
ଏହି କ୍ଷତି ଅନ୍ୟ ଭାରତୀୟ ସହରରେ ସମାନ ଭାବରେ ଚିନ୍ତାଜନକ ଅଟେ । 2020ରେ ମୁମ୍ବାଇରେ ପ୍ରାୟ 25,000 ମୃତ୍ୟୁ ବାୟୁ ପ୍ରଦୂଷଣ କାରଣରୁ ହୋଇଛି । ବେଙ୍ଗାଲୁରୁ, ଚେନ୍ନାଇ, ହାଇଦ୍ରାବାଦ ଏବଂ ଲକ୍ଷ୍ନୌ ପ୍ରଦୂଷିତ ବାୟୁ ଯୋଗୁଁ ଯଥାକ୍ରମେ 12000, 11000, 11000, ଏବଂ 6700 ମୃତ୍ୟୁ ଆକଳନ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
