ଗୌହାଟୀ: ଆସାମରେ ବଡ ଅଘଟଣ । ନଙ୍ଗାଓରେ 20 ହାତୀଙ୍କ ମୃତ୍ୟୁକୁ ନେଇ ସାମ୍ନାକୁ ଆସିଛି ବଡ ଖବର । ବଜ୍ରାଘାତ ଯୋଗୁଁ ହାତୀଙ୍କ ମୃତ୍ୟୁ ହୋଇଥିବା ସୂଚନା ।
ବୁଧବାର ରାତିରେ କାଠିୟାଟୋଲି ରେଞ୍ଜ୍ର କୁଣ୍ଡୋଲି ଜଙ୍ଗଲ ଅଞ୍ଚଳରେ ପାହାଡ ଉପରେ ବଜ୍ରାଘାତ ହେତୁ ଏହି ଘଟଣା ଘଟିଛି ବୋଲି ବନ ବିଭାଗର ମୁଖ୍ୟ ସଂରକ୍ଷକ ଅମିତ ସାହାୟ କହିଛନ୍ତି ।
ଅମିତ ସାହାୟ କହିଛନ୍ତି, ବନବିଭାଗର ଟିମ୍ ଗୁରୁବାର ଅପରାହ୍ନରେ ଖବର ପାଇଁ ଘଟଣାସ୍ଥଳରେ ପହଞ୍ଚିଥିଲା । ପରେ ଏଠାରୁ 20 ହାତୀଙ୍କ ମୃତଦେହ ମିଳିଛି । ସେଥିମଧ୍ୟରୁ 14ଟି ହାତୀର ମୃତଦେହ ପାହାଡ ଉପରେ ମିଳିଥିବାବେଳେ 4ଟି ମୃତଦେହ ପାହାଡର ତଳୁ ଉଦ୍ଧାର ହୋଇଛନ୍ତି ପରେ ଆଉ 2ଟି ହାତୀର ମୃତଦେହ ଉଦ୍ଧାର ହୋଇଛି । ତଦନ୍ତ ପରେ ପ୍ରକୃତ କାରଣ ଜଣାପଡିବ।
