ରାୟପୁର: ଥମୁନି ଲଜ୍ଜା । 12 ବର୍ଷର ନାବାଳିକାକୁ ଦୁଷ୍କର୍ମ କଲା ସାବତ ବାପା । ଏଭଳି ଏକ ଘଟଣା ଘଟିଛି ଛତିଶଗଡର ରାଜନନ୍ଦଗାଓଁ ଜିଲ୍ଲାରେ । ଏନେଇ ଥାନାରେ ଅଭିଯୋଗ ହେବା ପରେ ଏହି ଘଟଣା ସାମ୍ନାକୁ ଆସିଛି । ଜଣେ ପୋଲିସ ଅଧିକାରୀ କହିଛନ୍ତି ପୀଡିତାଙ୍କ ବଡ ଭଉଣୀ ଏନେଇ ଅଭିଯୋଗ କରିବା ପରେ 31 ବର୍ଷିୟ ଅଭିଯୁକ୍ତ ସାବତ ବାପାକୁ ଗିରଫ କରାଯାଇଛି ।
ଅଭିଯୋଗ ଅନୁଯାୟୀ ଅଭିଯୁକ୍ତ ଗତ 3ବର୍ଷ ଧରି ନାବାଳିକାକୁ ଯୌନ ଶୋଷଣ କରିଆସୁଥିଲେ । ଏନେଇ କାହାରିକୁ ନକହିବାକୁ ମଧ୍ୟ ଧମକ ଦେଉଥିଲେ । ପୀଡିତାଙ୍କ ବଡ ଭଉଣୀ ଏବିଷୟରେ ଜାଣିବା ପରେ ଥାନାରେ ଅଭିଯୋଗ କରିଥିଲେ । ପରେ ଅଭିଯୁକ୍ତକୁ ଯୌନଶୋଷଣରୁ ଶିଶୁଙ୍କୁ ସୁରକ୍ଷା ଅଧିନିୟମ ଏବଂ ଆଇପିସି ଧାରା ଅନୁଯାଇ ପୋଲିସ ଗିରଫ କରିଛି ।
