ଗାନ୍ଧୀନଗର: ଗୋଟିଏ ଦିନ ପାଇଁ ଅହମ୍ମଦାବାଦର କଲେକ୍ଟର ହେଲେ ୧୧ ବର୍ଷିୟା ଝିଅ ଫ୍ଲୋରା ଆସୋଡିଆ । ଅହମ୍ମଦାବାଦର କଲେକ୍ଟର ଭାବେ ଗତକାଲି(ଶନିବାର) ସେ କାର୍ଯ୍ୟରତ ଥିଲେ । ସେ ଗାନ୍ଧିନଗର ବାସିନ୍ଦା ହୋଇଥିବା ବେଳେ ଏବେ ବ୍ରେନ ଟ୍ୟୁମରରେ ପୀଡିତ ଅଛନ୍ତି । ତେବେ ଦିନକୁ ଦିନ ତାଙ୍କ ତାଙ୍କ ସ୍ବାସ୍ଥ୍ୟ ଅବସ୍ଥା ବିଗୁଡୁଥିବା ବେଳେ ଗତ ମାସରେ ତାଙ୍କର ଅସ୍ତ୍ରୋପ୍ରଚାର ହୋଇଥିଲା । ତେବେ ଝିଅଟି କଲେକ୍ଟର ହେବାକୁ ଇଚ୍ଛା ରଖିଥିବା ‘ମେକ ଏ ଉଇସ’ ଫାଉଣ୍ଡେସନ ତରଫରୁ ସୂଚନା ପାଇଥିଲେ ଅହମ୍ମଦାବାଦ କଲେକ୍ଟର ସାଣ୍ଡିପ ସାଙ୍ଗଲେ । ଏହାପରେ ସେ ଫ୍ଲୋରାଙ୍କ ପରିବାର ଲୋକଙ୍କ ସହ ଯୋଗାଯୋଗ କରିଥିଲେ ଏବଂ ତାଙ୍କ ସ୍ବପ୍ନକୁ ସାକାର କରିବାରୁ ପ୍ରତିଶୃତି ଦେଇଥିଲେ ।
କଲେକ୍ଟର ସାଣ୍ଡିପ ସାଙ୍ଗଲେ କହିଛନ୍ତି ଯେ ଆମେ ଫ୍ଲୋରାର ପିତାମାତାଙ୍କୁ ଗୋଟିଏ ଦିନ ପାଇଁ ଝିଅକୁ କଲେକ୍ଟର କରିବାରୁ ଅନୁରୋଧ କରିଥିଲୁ କିନ୍ତୁ ଝିଅର ଅସ୍ତ୍ରୋପ୍ରଚାର ହେତୁ ସେମାନେ ଅନିଚ୍ଛା ପ୍ରକାଶ କରିଥିଲେ । କାରଣ ତାଙ୍କ ସ୍ବାସ୍ଥ୍ୟ ଅବସ୍ଥା ଖରାପ ଥିଲା । କିନ୍ତୁ ଶେଷରେ ଫ୍ଲୋରାଙ୍କ ପିତାମାତାଙ୍କୁ କଲେକ୍ଟର ମନାଇବାରେ ସଫଳ ହୋଇଥିଲେ । ଏଥି ସହ ସେପ୍ଟେମ୍ବର ୨୫ତାରିଖ ଦିନ କଲେକ୍ଟର ଫ୍ଲୋରାଙ୍କ ଜନ୍ମଦିନ ପାଳନ କରିଥିଲେ । ତେବେ ଫ୍ଲୋରା ଏବେ ସପ୍ତମ ଶ୍ରେଣୀରେ ପାଠ ପଢୁଛନ୍ତି, ଗତ ସାତ ମାସ ହେଲା ସେ ବ୍ରେନ ଟ୍ୟୁମରରେ ପୀଡିତ ଅଛନ୍ତି, ସେ ସର୍ବଦା ଆଇଏଏସ ଅଧିକାରୀ କିମ୍ବା କଲେକ୍ଟର ହେବାକୁ ଚାହୁଁଥିବା ଥିବା ଫ୍ଲୋରାଙ୍କ ପିତାମାତା କଲେକ୍ଟରଙ୍କୁ ଜଣାଇଥିଲେ ।
ତେବେ ତାଙ୍କର ସ୍ବପ୍ନକୁ ଗତକାଲି କଲେକ୍ଟର ପୂରଣ କରିଥିବାରୁ ସେ ଅତ୍ୟନ୍ତ ଖୁସି ଥିବା କହିଛନ୍ତି । ଗତକାଲି (ଶନିବାର) କଲେକ୍ଟର ଅଫିସରେ ଫ୍ଲୋରାଙ୍କୁ ସ୍ବାଗତ କରାଯାଇଥିଲା । ସମସ୍ତଙ୍କଠାରୁ ସେ ଅନେକ ଉପହାର ଗ୍ରହଣ କରି ନିଜର ଇଚ୍ଛା ପୂରଣ କରିଥିଲେ ।
@ANI
