ଇସଲାମବାଦ: ପାକିସ୍ତାନର ଆଜାଦ କାଶ୍ମୀର ଅନ୍ତର୍ଗତ ମୁଜାଫରବାଦରେ ଅଘଟଣ । ଭାରସାମ୍ୟ ହରାଇ ଝେଲମ୍ ନଦୀରେ ଖସିଲା ଯାତ୍ରୀବାହୀ ବସ୍ । ଦୁର୍ଘଟଣାରେ 10 ଜଣଙ୍କ ମୃତ୍ୟୁ ଘଟିଥିବାବେଳେ 15 ଜଣ ଗୁରୁତର । ଏନେଇ ପୋଲିସ ପକ୍ଷରୁ ସୂଚନା ।
ସୂଚନାଯୋଗ୍ୟ, ଶନିବାର ମଧ୍ୟରାତ୍ରି ପାଖାପାଖି 2 ଟା 30 ସମୟରେ ଏହି ଅଘଟଣ ଘଟିଛି । ବସଟିରେ 25 ଜଣ ଯାତ୍ରୀ ଥିବାବେଳେ ଏହା ରାୱଲପିଣ୍ଡିରୁ ଚକୋଥି ଅଭିମୁଖେ ଯାଉଥିଲା । ବସଟି ନଦୀ ଭିତରେ ଖସିବା ସମୟରେ ସ୍ଥାନୀୟ ଜଣେ ବ୍ୟକ୍ତି କେହି ସାହାଯ୍ୟ ମାଗିବାର ଜୋରରେ ଶବ୍ଦ ଶୁଣିଥିଲେ । ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ଗୁରୁତରଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି ।
@ANI
