ଢେଙ୍କାନାଳ: କାମାକ୍ଷାନଗରରେ ପ୍ରଥମ ଅଂଶୁଘାତଜନିତ ମୃତ୍ୟୁ ଅଭିଯୋଗ ଆଣିଛନ୍ତି ପରିବାର ଲୋକେ । ମୃତକ ହେଲେ କାମାକ୍ଷାନଗର ଥାନା ମହୁଲପାଳ ଗ୍ରାମର ପ୍ରକାଶ କୁମାର ବେହେରା । ପ୍ରକାଶ ସକାଳ ୮ଟା ବେଳେ ନିକଟସ୍ଥ ଜଙ୍ଗଲକୁ ଜାଳେଣି କାଠ ସଂଗ୍ରହ କରିବାକୁ ଯାଇ ଆଉ ଘରକୁ ଫେରିନଥିଲେ । ଫେରିବାରେ ବହୁ ବିଳମ୍ବ ହେବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ ମଧ୍ୟ ପାଇନଥିଲେ । ପରେ ପରିବାର ଲୋକେ ଏକ ଗଛମୂଳରେ ଅଚେତ ଅବସ୍ଥାରେ ଯୁବକ ଜଣକ ପଡ଼ିଥିବା ଦେଖିବାକୁ ପାଇଥିଲେ । ଗଛମୂଳରେ ତାଙ୍କ ସାଇକେଲ ଓ ସେ ସଂଗ୍ରହ କରିଥିବା ଦୁଇ ବିଡ଼ା କାଠ ମଧ୍ୟ ପଡ଼ିଛି । ଗ୍ରାମବାସୀଙ୍କ ସହାୟତାରେ ଯୁବକଙ୍କୁ ଉଦ୍ଧାର କରି ତୁରନ୍ତ ୧୦୮ ଆମ୍ବୁଲାନ୍ସ ଯୋଗେ କାମାକ୍ଷାନଗର ଉପଖଣ୍ଡ ମେଡିକାଲରେ ଭର୍ତ୍ତି କରିଥିଲେ ପରିବାର ଲୋକେ । ହେଲେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି ।
ଇଟିଭି ଭାରତ, ଢଙ୍କାନାଳ
